Impinduka mu Itorero rya ADEPR

Pastor Ndayizeye Emmanuel wari usanzwe ari Aumonie waza CEP (Communaute des Etudiant Pentecotiste) zo muri Kaminuza mu Rwanda yahawe umwanya mushya n’ Itorero rya ADEPR wo kuba umuyobozi wungirije (Assistant) mu biro bishinzwe ibijayanye n’imibanire myiza n’abafatanyabikorwa na Leta ndetse n’andi madini (The Assistant Coordinator for ADEPR Partnership, Public Relations and Missions).

Itorero rya ADEPR ubusanzwe ryubakiye ku nkingi 4 arizo Ivugabutumwa ,Imibereho myiza ,Ubkungu n’iterambere n’imibanire myiza n’abafatanyabikorwa bivuzeko iyi nkingi y’imibanire myiza yongewemo imbaraga cyane kuko uyu mwanya wahawe Pastor Ndayizeye Emmanuel utarusanzwe mw’itorero rya ADEPR.

Mu gihe twakoraga iyi nkuru twahamagaye umunyamabanga mukuri wa ADEPR Bwana Rev.Gatemberezi Jean Paul ari nawe ubifite mu nshingano atubwirako ari mu nama atabasha kuvugana n’itangazamakuru ko ariko iyi nkuru ari ukuri ngo ibindi byinshi azabigarukaho mu kiganiro tuzagirana muri gahunda yaduhaye yo kuzamureba muri Office.

PNG - 403.1 kb
Pastor Ndayizeye Emmanuel yari asanzwe ari Aumonie wa CEPR za Kaminuza akaba yagizwe Assistant (Uwungirije ) mu biro bishinzwe ibijayanye n’imibanire myiza n’abafatanyabikorwa na Leta ndetse n’andi madini.


Pastor Ndayizeye Emmanuel abinyujije kurukuta rwe rwa Facebook yavuzeko yuzuye ishimwe ku Mana kuko yatumye ubuyobozi bukuru bwa ADEPR bumugenera uyu mwanya wo kuba umuyobozi wungirije mu biro bishinzwe ibijayanye n’imibanire myiza n’abafatanyabikorwa na Leta ndetse n’andi madini (Assistant Coordinator for ADEPR Partnership,Public Relations and Missions).

Ubwo Pastor Ndayizeye Emmanuel yaganiraga n’IYOBOKAMANA.COM ku murongo wa Telephone, yemeje aya makuru agira ati :"Nshimiye Imana cyane kuba yangiriye ikizere igatuma itorero rya ADEPR ringirira ikizere rikampa inshingano nshya bakanshinga kuba Assistant Coordinateur muri Office ishinzwe ibijayanye n’imibanire myiza n’abafatanyabikorwa ndetse n’andi madini " bivuzeko ubwo nzaba nungirije Pastor Seneza Jean Paul ubifite munshingano rwose ndabyishimiye cyane kandi Imana izanshoboza kubahiriza inshingano neza.

Pastor Ndayizeye Emmanuel wagizwe Assistant Coordinateur muri Office ishinzwe ibijayanye n’imibanire myiza n’abafatanyabikorwa ndetse n’andi madini yakomeje agira ati:"Nzagerageza gukora inshingano neza doreko itorero rya ADEPR buri wese azi ibihe bigoye ryanyuzemo bityo tugomba guharanira kugarura neza imibanire myiza duhereye kubanye torero ,andi madini ndetse n’abafatanyabikorwa bose muri rusange".
Pastor Ndayizeye Emmanuel abajijwe niba uyu mwanya yahawe utazatuma areka ibijayane no gufasha abanyeshuri bo muri za CEP muri za Kaminuza bishingiye ko yari asanzwe ari Aumonie, yasubije ko uyu mwanya yahawe utazamubuza gufasha abanyeshuri ati:"Gufasha abanyeshuri mbikora nk’umuhamagaro kuko ndabikunda cyane nzakomeza mbikore kuko n’iyi nshingano nahawe ifite aho ihuriye nama CEP kuko itorero rigomba kuba rifitanye imikoranire myiza n’amakaminuza".

PNG - 521.1 kb
Pastor Ndayizeye Emmanuel wahawe inshingano nshya n’Itorero rya ADEPR

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo