Abayisilamu bagomboye Quran zari zaraheze Magerwa zigiye gutezwa cyamunara

Nyuma y’ibiganiro hagati y’umuryango w’Abayisilamu mu Rwanda, ikigo cy’ imisoro n’amahoro (RRA) n’ububiko bw’igihugu (MAGERWA). Ibitabo bitagatifu KOROWANI byagombaga gutezwa cyamunara byakomorewe kuri uyu wa Gatanu.

Ni ibitabo by’idini ya Islam Korowani bipima ibiro toni 14 n’ibiro 470 birekuwe nyuma yo kumara hafi imyaka 2 biri mu bubiko bwa Magerwa. Byishyuzwaga miliyoni zirenga 20 z’amafaranga y’u Rwanda ku bubiko byari bimazemo imyaka hafi 2 ndetse n’amahoro. Abayoboke b’idini ya Islam Mu Rwanda bishimiye ikomorerwa ry’ibi bitabo bitagatifu.

Nubwo ibitabo bitagatifu bya Korowani byahawe ba nyirabyo hari izindi toni z’imbuto z’itende zikoreshwa n’aba Islam mu gihe cy’igisibo cya Ramadan zoherejwe n’umuterankunga w’idini ya Islam mu Rwanda zo zikaba zasigaye Magerwa ariko umujyanama wa Muft w’u Rwanda Sheikh Mbarushimana Sulayman avuga ko ibiganiro bikomeje kugirango harebwe icyakorwa ngo nazo ziveyo

Bitabo bitagatifu bya Korowani byarekuwe bizakoreshwa n’aba Islam basaga ibihumbi 22 mu Rwanda.





Tanga igitekerezo kuri iyi nkuru



Igitekerezo