Abapilote ba Israeli bateye utwatsi ibyo gucyura impunzi muri Afurika

Abapilote b’Ishyirahamwe ry’indege ry’igihugu cya Israeli banze gutwara impunzi z’Abanyafrika zategetswe gusubira mu bihugu byazo ku ngufu zizira kudashyigikira ingingo y’ubutegetsi bwa Israeli ku kibazo cy’ubuhunzi nkuko ikinyamakuru Times cyabyanditse.

Umwe muri aba bapilote banze gutwara izi mpuzi yavuze ko adashobora gutwara izo mpunzi azijyana mu rupfu.

Ibi bije bikurikiye amategeko mashya ajyanye n’abimukira yatangiye gukurikizwa mu ntangiriro z’uyu mwaka.

Leta ya Israeli yategetse ibihumbi by’abimukira baturuka muri Afrika kuva mu gihugu cyangwa bagatabwa muri yombi.

Yemeye guha abo bimukira amadolari $3500 bagasubira iwabo mu minsi 90, bakanashobora kujyanwa mu bindi bihugu byakwemera kubakira mu gihe baba badashatse kujya mu bihugu byabo by’amavuko.

Ubutegetsi bwa Israeli bwabatangarije ko mu gihe baba badahungutse, mu kwezi kwa kane buzatangira kubata muri yombi.

Ikinyamakuru Times kivuga ko amashyirahamwe aharanira uburenganzira bw’ikiremwa muntu ahurikiye mu muryango wa Zizam, yasabye biciye ku murongo wa Telefone abapilote b’indege ndetse n’ishyirahamwe rishinzwe iby’izi ndege kutitabira ibyo bikorwa byo gutahukana izi mpunzi bazitwara ngo kuko ubuzima bwazo bushobora kujya mu kaga.

PNG - 455.7 kb
Abenshi mu bimukira b’Abanyafurika bari muri Isirayeli, ni abavuye muri Erithrea na Sudani

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo