Abakristo ba  ADEPR Kiruhura  bari mu gihirahiro nyuma yo gufungirwa urusengero

Urusengero rwa ADEPR Kiruhura muri Paruwasi ya Muganza ruherereye mu Mudugudu wa Kiruhura, Akagali ka Nyabugogo, Umurrenge wa Kigali mu Karere ka Nyarugenge mu Mujyi wa Kigali rwafunzwe n’inzego za Leta kubera kuba rwubatse mu gishanga.

Mu minsi ishize inzego za Leta zasabye abafite ibikorwa bitandukanye mu bishanga no mu nkengero zabyo kubyimura mu rwego rwo kurengera ibidukikije.

Bamwe mu bari bafite ibikorwa mu gishanga barabyimuye ari ko bamwe bari batarabyimura. Urusengero rwa ADEPR Kiruhura na rwo rero rwari rukibarizwa mu gishanga ari na yo mpamvu rwafunzwe n’inzego za Leta.


Mu kiganiro ikinyamakuru Ibyishimo cyagiranye na Patrick Nsengiyumva, umuyobozi wa Paruwasi ya Muganza yatubwiye ko nyuma yuko uru rusengero rufunzwe bagiye gushyira mu bikorwa amabwiriza ya REMA.

Yagize ati: “Urusengero rwafunzwe n’inzego z’umurenge mu ma saa cyenda zo kuri uyu wa mbere, gusa ntekereza ko tugiye gukurikiza amabwiri za ya REMA tugashaka aho twimukira gusa kuri ubiu ntituramenye aho tuzajya.”

Amakuru agera ku Ibyishimo.Com ni uko uru rusengero rwasengeragama abasaga 1000 ubu ubuyobozi bwarwo bukaba busabwa gushaka ahandi abo bakirisitu bazajya basengera mu gihe batarubaka urundi.

Urusengero rwa ADEPR Kiruhura ruherereye mu karere ka Nyarugenge hafi y’umuhanda Kigali- Muhanga ukiva i Nyabugogo wenda kugera ku Giticyinyoni.

Mu kwezi kw’Ugushingo, Pasiteri Uwimana yatangarije Ibyishimo ko bamaze kubona ko aho urusengero ruri harimo ikibazo bahise batangira gusiza ikibanza bafite mu murenge wa Kigali ahazwi nko mu Kamenge kugira ngo bazahimukire ariko bari batarimuka.





Tanga igitekerezo kuri iyi nkuru



Igitekerezo