Abagenda bayembayemba nibo baduteza akaga

Kuri iki cyumweru mu rusengero rw’Umurage w’Abera Silowamu ruherereye ku Kinamba ahazwi nko kwa Gakire ubwo bari mu materaniro Korale Siyoni yo kuri uru rusengero mu ikorasi yahagurukanye harimo amagambo akarishye ariko yashimishije abari bitabiriye amasengesho mu ntero igira iti “Abagenda bayembayemba nibo baduteza akaga”.

Amateraniro yatangiye ahagana sayine n’iminota irindwi (10h07’) akaba yari yabanjirijwe n’itsinda ryo kuramya no guhimbaza Imana mu ndirimbo zafashije abari bari muri aya materaniro.
Iri teraniro riyobowe na Mwarimu Sophia uri mu mavuta adasanzwe nk’uko bigaragara muri iriteraniro bigaragara ko hari ikiri burivemo nk’uko bigaragara mu bikorwa biri gukorwa.
Nyuma yo kwakira, abashyitsi hakurikiyeho kwakira Mama Pasiteri washimye Imana k’ubw’ izina Imana yamuhaye ko ari ibyigiciro kuri we ahamya ko ibyo Imana yavuze yabisohoje. Yahise yakira Pasiteri wahise ajya kuruhimbi avuga ko Imana haricyo iba yakoreye abakristo ko kuba bakiriho ari urukundo rw’Imana.

Pasiteri nawe ageze ku ruhimbi yakomeje afasha Abakristu mu makorasi arimo amavuta agira ati"narakubonye uratabara, ntabwo ari twebwe izigirizaho nkana".

Nyuma y’amakorasi atandukanye Pasiteri yakomeje abwira Abakristu ibikorwa Itorero Umurage w’Abera Silowamu ryimirije imbere birimo gushaka uburyo ryakwimuka rikava aho risanzwe rikorera ndetse no gutegura amasengesho. Yakomeje abwira Abakristu kutita ku magambo agenda atangazwa na bamwe mu bavugabutumwa aho usanga hari abagenda bavuga ko gusenga iminsi myinshi ari ubujiji birengagije iminsi Yesu Kristu yamaze asenga atarya atananywa.

Hakurikiyeho umwanya w’ijambo ry’Imana ryasomwe muri Matayo 8.1-4 1 rifite umutwe ugira uti" Yesu akiza umubembe (Ijambo kandi riboneka muri Mariko 1.40-45; Luka 5.12-16) .
Amanutse kuri uwo musozi, abantu benshi baramukurikira
2. Maze haza umubembe aramwegera, aramupfukamira aramubwira ati “Mwami, washaka wabasha kunkiza.”
3. Arambura ukuboko amukoraho ati “Ndabishaka kira.”
4. Uwo mwanya ibibembe bye birakira. Yesu aramubwira ati “Wirinde ntugire uwo ubwira, ahubwo genda wiyereke umutambyi, uture n’ituro Mose yategetse ribabere ikimenyetso cyo kubahamiriza”.

Muri iri jambo ryafashije abantu, Pasiteri yakomeje asaba abakirisito kwisunga Yesu wenyine kuko ari we wenyine ufite ubushobozi bwo gukiza umuntu wese ibibembe bye (ibibazo cyangwa ibigeragezo). Nkuko Biliya Yera yabivuze mu ijambo,Pasiteri yabwiye Abakristu ko Yesu ashaka ko bakira bityo bo bagasabwa kumwemerera gusa maze ubushake bw’Imana bugakorana nabo.

Nkuko ijambo ry’Imana ryabivuze ko nyuma yuko uriya mubembe Yesu amukijije yamusabye kutagira uwo abibwira ahubwo akagenda akiyereka umutambyi ndetse akanatanga ituro Mose yategetse nkuko bigaragara ku murongo wa 4 mu gice cyasomwe, Pasiteri nawe yasabye Abakristu gutanga ituro bashimira Imana ko bakize ibibembe byabo nkuko byagendekeye uriya Yesu yakijije.

Mu gutanga aya maturo, Pasiteri nawe yashimiye Imana akora mu biganza Abakristu ayishimira ko yizeye ko bahumutse nkoko yabigenje ku mubembe yakijije wavuzwe muijambo ryasomwe.

Hakurikiyeho umwanya w’amatangazo yibutsa abakristu zimwe mu ndangagaciro zikwiriye kuranga Umukiristu by’umwihariko ababwira ko nta muririmbyi wemerewe kwiyogosha ingohe kuko ari icyaha. Si ibi gusa kuko yanababwiye ko bidakwiriye ko umuririmbyi aririmba bigaragara ko hari ibintu yishyizeho bishobora kudafasha bamwe mu bakristu.

Pasiteri yasoje amateraniro akomeza gukangurira Abakristu kutajya bibagirwa no kwita kuri gahunda za Leta mu byo bakora byose.

Birashoboka ko nawe waba ukeneye ko Pasiteri UCIYIMIHIGO Xavier agusengera ukagirirwa neza n’Imana, wamuhamagara kuri iyi nomero ya Telefoni : 0788298348

@Umubavu.com





Tanga igitekerezo kuri iyi nkuru



Igitekerezo
Uwimana Kuya 4-02-2018

Andika Igitekerezo Hanno Ariko mwagiye mureka za Motage mwa banyamakuru mwe baba babahereje ngo mubatake Ubu twamenye ubwenge sha Banjye babanza bisengere birirwa babeshyera Imana gusa Igihe cyabo

kirahari sha