ADEPR Uganda yagurishijwe akayabo ihindura izina, uwayiguze yafungiwe urusengero mu Rwanda aba umurakare

Nkuko Ikinyamakuru Umubavu aricyo cyonyine kibagezaho amakuru acukumbuye yizewe afite ibimenyetso kimaze kumenya ko Itorero rya ADEPR Uganda ryamaze kugurwa n’umugabo witwa Muhizi Charles wari ufite amatorero inaha mu Rwanda ariko agafungwa igihe hafungwaga Insengero nyinshi.

Insengero ze zitwaga True salivation uruzwi cyane ni urwabaga Kimironko imbere ya Ituze garden, zimaze gufungwa yahise ahungira Uganda nkuko bivugwa akaba yarakoranye n’inzego zaho kugirango agure ADEPR PCI Uganda kubera ibibazo bimaze iminsi biyivugwamo nyuma yaho Nzahura Torero ihawe kuyobora ADEPR ariko aho kuzahura ikaba irushaho kuzahaza ADEPR nkuko bamwe mu bakirisitu babivuga.

Itorero rya ADEPR PCI Uganda nkuko twacukumbuye twasanze ryanditswe kuri Pastor Karangwa John Umuvugizi mukuru wungirije muri ADEPR mu Rwanda akaba yaravuye Uganda aje kuba umuyobozi wungirije ubwo Nzahura torero yahirikaga ubutegetsi bwa Sibomana Jean na Rwagasana Tom.

Andi makuru tugicukumbura ni ukumenya amafaranga ADEPR PCI Uganda ryaba ryagurishijwe gusa icyo twashoboye kumenya ni uko ngo ari amafaranga menshi cyane.

Nyuma yo kubona inzandiko zivuga ko ADEPR PCI Uganda yanditse kuri Karangwa John kandi hakaba hari amakuru avugwa ko ADEPR Uganda yagurishijwe ,Ikinyamakuru Umusingi cyashatse kubaza Karangwa John umuvugizi mukuru wungirije muri ADEPR niba itorero rye ryagurishijwe kuko rimwanditseho ariko ntibyadukundira tumwoherereza ubutumwa bugufi ariko nabwo ntiyabusubiza kugeza ubwo twasohoraga inkuru tugitegereje ko adusubiza.

JPEG - 76.5 kb

Aba Pasitori basengewe uyu munsi

Bamwe mu bakirisitu bo muri Uganda batifuje ko amazina yabo atangazwa batubwiye ko barimo gucukumbura kumenya amafaranga Muhizi Charles yaba yaguze ADEPR PCI Uganda bakazayatubwira vuba kuko ngo n’ibintu byakozwe mu ibanga rikomeye ndetse bakaba batifuzaga ko itangazamakuru rigira icyo rimenya.

Umwe mu bakirisitu twaganiriye nawe utashatse ko amazina ye atangazwa yagize ati “Ibintu byakomeye inaha Uganda ADEPR PCI Uganda yamaze kugurishwa ikaba yaguzwe na Muhizi Charles wahoze afite Itorero True salivation ubu akaba yahise aryita Pantecote True salivation ndetse umunsi w’ejo nibwo hateganijwe kuba inama rusange yo gushyiraho abayobozi bashya”.

Amakuru aturuka muri Uganda aravuga ko hari Abapasiteri basengewe kuri iki cyumweru tariki ya 14 Nyakanga 2019 basengerwa na Paster Gahutu Fenias wari washyizweho na Karangwa John asimbuye Theoneste Ntakirutimana woherejwe mu Rwanda na CMI ya Uganda.

Zimwe mu nyandiko zigaragaza ko Karangwa John Umuvugizi mukuru wungirije muri ADEPR yari yariyanditseho Itorero rya ADEPR Ugnda nk’irye ku giti cye.

Bamwe mu bakirisitu bo muri ADEPR PCI Uganda bavuga ko batishimiye ubuyobozi bwa Nzahura torero ndetse ngo bakaba bababaye cyane kubona ADEPR PCI Uganda igiye mu maboko y’undi muntu ku buryo nta ADEPR ikiri muri Uganda.

Umwe mu bakirisitu ba ADEPR muri Uganda wadusabye ko amazina ye tuyagira ibanga kubera impamvu z’umutekano we yagize ati “Ubu se gukuraho ubuyobozi bugerageza ukazana ubuzahaza Itorero inyungu n’izihe? Ubu se kuba tutagifite ADEPR muri Uganda n’inyungu cyangwa n’igihombo gikomeye? Byose Karangwa John niwe ubiri inyuma kuko twasanze ririya torero yararyiyanditseho kandi ntago byemewe ikintu kikwanditseho mu mategeko undi kuza akagitwara ukicecekera iyo aza kuba ntacyo abiziho yari kuza akarega tugakomeza kugira ADEPR yacu kuko turayikunda cyane”.

Ikinyamakuru Umusingi kikaba cyashatse kubaza uvugwa ko ariwe waguze ADEPR PC I Uganda Muhizi Charles ariko kuri Telephone ye igendanwa ntibyabakundira ariko nagira icyo abivugaho tuzababwira ibyo azaba yavuze kubyo kugura Itorero rya ADEPR ndetse na Karangwa John wanze kudusubiza hari igihe nawe yaduha amakuru uko byifashe nayo tukayabagezaho.

Ikinyamakuru umubavu.com ejo kizabagezaho inkuru y’inama rusange izaba yo gushyiraho nyobozi n’urutonde rw’abazahabwa kuyobora zimwe mu Ndembo zo muri Kampala, tukazarubagezaho biyemeje kwigarurira ADEPR PCI Uganda.

JPEG - 44.1 kb

Muhizi Charles uvugwa ko yaguze ADEPR PCI Uganda akaba ariwe wari nyiri True salivation ubu yahindutse Pentacote True salivation

JPEG - 35 kb





Tanga igitekerezo kuri iyi nkuru



Igitekerezo
ntakiru Kuya 23-07-2019

ahhhhhhhhh Musenge Imana muhumure Izabikemura.

-xxxx- Kuya 16-07-2019

Imana yabo ni inda zabo bakomereze Aho Imana izabibabaza

serge Kuya 16-07-2019

Ariko she itorero RYA Uganda ryigenze natwe tukigenga bitwaye iki!? Twebwe dufitiye ikizere abayobozi Imana yaduhaye. Umuntu umwe CGA babiri barite inyungu tutazi ntibaducamo igikuba.kristo arinze itorerp rye. Kdi turishimye kuko tugisenga umwuka wera agakora imirimo. Yesu abahe umugisha#wearepentecost

Muliza Rene Kuya 16-07-2019

Ariko kera ko twagiraga abayobozi bafite ubushobozi adepr ubu twazize iki koko?? Itorero aho kwaguka ahubwo ririgutakaza amashami?? Amafaranga yose twatangaga ngo nugufasha itorero ishami rishya ryatangiye. nyamara uko iminsi ishira ndikugenda mbona ko nubwo ba tom bivugwa ko batari beza ariko byibuze bari abakozi kandi bafite nibitekerezo byagutse naho abodufite n’amatiku gusa bahoramo itorero ryabananiye pe ariko ntanuwabarenganya rwose buriwese akora ibihwanye nubushobozi bwe uwatwiciye itorero nuwabahaye itorero ngo muriyobore ntabushobozi mufite ntanu mushumba wabatoye yaraduhamije ntiyabuze byose

raphq Kuya 16-07-2019

ndumva ntampamvu yokuvugako itorero ryazambye ahubwo amatiku yabamwe bafunzwe Nibo bagenda baseby abayobozi bariyobora kandi ubundi Ibyo bakora Uyumunsu Ntacyo bibaye kuko igisigaye twe turimo twisengera Imana iryay’uganda ntirigurishywe Ntacyo rimariye abanyarwanda