RGB yihanangirije Gitwaza n’abandi bavuga ko ari abahanuzi bakarya imitungo y’abayoboke

Urwego rw’igihugu rw’imiyoborere RGB rwasohoye itangazo ryihanangiriza abavuga ko ari abahanuzi bagashaka gutwara imitungo y’abayoboke bitwaje ubuhanuzi, ibi bibaye nyuma y’uko hagaragaye Videwo igaragaza Gitwaza avuga ko ari we muhanuzi wambere mu Rwanda no muri Afrika na Bishop Rugagi wagaragaye yaka abakristo amafaranga ababwira ko bagiye guhabwa imodoka n’ibindi.

Mu Rwanda hamaze ku menyekana abavugabutumwa banemeza ko ari abahanuzi batandukanye barimo Bishop Rugagi Innocent Umushumba w’Amatorero y’Abacunguwe mu Rwanda; Prophet Sultan Eric Umuyobozi wa Zeal of the Gospel Church; Umuhanuzi Apôtre Dr Paul Gitwaza w’ Itorero Zion Temple, Prophet Prophet Nsabimana Jean Bosco uzwi nka Prophet Fire w’ itorero Patmos of Faith n’abandi.

Gitwaza yatangaje ko ari we muhanuzi uruta abandi mu Rwanda no muri Afrika.

Yagize ati “Sinzi ko muri iki gihugu hari umuhanuzi unduta. Ibi mbabwira si ukwirata kandi Imana ibimbabarire niba hari akantu ko kwirata kambamo.”

Yunzemo ati “ Sinzi niba muri iki gihugu, muri Afurika mufite umuhanuzi umeze nkanjye. Birashoboka ko azaza, ariko muri iki gihe ndiho, ntimuzamubona. Muzamushakishe mumumbwire.”

Yavuze ko hari bamwe mu bateranira mu rusengero rwe bayobye bakaba bemera abandi bahanuzi, ababwira ko bazamenya ugukomera kwe ari uko batakimubona.

Ati “[…] Mwemera ibya bande? Mwemera ibyabo? Ntabwo ari mwese, gusa abafite abandi bemera mufite ikibazo! Ndababwiza ukuri muzabimenya naragiye.”

Apôtre Dr Paul Gitwaza wiyise umuhanuzi wa mbere muri Afurika, yakunze kumvikana mu buhanuzi bukomeye bwagiye bwibazwaho n’abatari bacye, nk’aho yigeze guhanura imperuka bikarangira nta kibaye mu byo yari yavuze.

Icyo gihe Gitwaza yari yahanuye ko mu kwezi kwa Nzeli 2015 kuzagaragaramo ikimenyetso cy’irangira y’Isi, avuga ko ijuru rizerekana ikimenyetso cya kane , maze izuba rihinduke umwijima n’ukwezi guhinduke amaraso, ngo byuzuza ibyo Yesu yavuze ko iki gisekuru cy’abantu bariho muri iki gihe ari cyo cya nyuma ku Isi, ko nta kindi kizigera kigisimbura bibaho.

Nyuma y’uko Apôtre Dr Paul Gitwaza ahanuye aya magambo ndetse ntihagire ikiba, abantu benshi bagize icyo babivugaho bagaragaza ko badafitiye icyizere ibyo ababwira nk’ubuhanuzi, ndetse abandi bamwita umunyabinyoma’ umuhanuzi w’ibinyoma’.

Kuva mu isezerano rya kera Bibiliya yemera abahanuzi nk’abahuza b’Imana n’abantu. N’ubwo abahanuzi bafatwaga batyo hari n’abanyabinyoma baramyaga izindi Mana nka za Bayari.

Ubwo Abamisiyoneri bageraga mu Rwanda bazanye ubutumwa bwiza, ni nabwo hatangiye gushingwa amadini n’amatorero, hatangira kugaragara abahanuzi aho kuri ubu amwe mu madini n’amatorero yashingiye ku nyigisho z’ubuhanuzi nk’iturufu yo kwigarurira abayoboke benshi, dore ko mu myigishirize bibanda mu guhanurira abantu bimwe mu bintu by’agaciro nk’amadege, amafaranga, amamodoka, akazi keza, amazu yo kubamo n’ibindi.
Ikigo cy’imiyoborere cyatangaje itangazo risome hano





Tanga igitekerezo kuri iyi nkuru



Igitekerezo
shishoza Kuya 23-11-2018

Muvandimwe, inyanja twogamo, amaradiyo, ibinyamakuru binyuranye, internet.....ibyo bavuga si ihame . Ibyo ivuga si ukuvugako bizaba uko yabivuze, cyane ko nayo iba yabikoporoye ahandi, uzambwire mpakwereke.
Jye dore icyo mbivugaho ni iki: Ubundi kuki abantu bashaka kwemera abandi bantu? Cga kuki abantu bashaka ko abandi babemera? Abantu nibemere Imana Data yaremye ijuru n’isi n’ibiriho byose, bemere Mwana wacunguye bene muntu twese ababayeho, abariho n’abazabaho, bemere Roho Mutagatifu umuhoza Kristu aduha ku buntu, Nibave mu kwemera abantu buntu no gushaka kwemerwa ngo babe harya ngo ni ibirangirire? Nta burangirire mbonye!
Kuba ikirangirire ntibiharanirwa birivugira. Ikirangirire nyacyo ntasakuza, ntasukiranya amagambo, akora byose mu rukundo n’ubwiyoroshye, ubuhanga n’ubwenge bye bibonwa n’abandi, ntakorera kwigaragaza ngo yemerwe kuko ubwo igihembo cye yaba yakibonye.
Mwiba abapfu, mwigarukira ku bantu. Niba kandi mushaka abapfumu cga muri bo, nimubitangaze abakeneye abapfumu babarebe babahe n’indamu murarikiye, mureke kujijisha abantu mutinyuka kwitwaza izina ry’Imana nyamara musenga inda zanyu mwa baburabwenge mwe.
Muvuga Imana kandi muyihakanisha ibikorwa n’imyitwarire yanyu ngo nibabemere?Muzababazwa.
Abantu nimureke dushake Imana muve ku bantu.

eliyas Kuya 28-09-2018

abanyamakuru muhimba titre idahuye na gato ninkuru mwanditse ngo nukugirango iyo nkuru isomwe cyane nimwe mwari mukwiye kwihanangirizwa.murakabije

eliyas Kuya 28-09-2018

abanyamakuru muhimba titre idahuye na gato ninkuru mwanditse ngo nukugirango iyo nkuru isomwe cyane nimwe mwari mukwiye kwihanangirizwa.murakabije

Pk Kuya 27-09-2018

Ese wowe wandika uharabika waba uzi igisekuru kingana n’imyaka ingahe!?»»»kKINGANA N’imyaka 100.
Uyu munyamakuru ahubwo jye mbona nta buhanga bw’ubumana yibitseho kbs.Injira mu byabaye bidasanzwe 2015 urebe maze usome bible mu byahishuwe maze uraza kubona koatigeze avuga ko imperuka izaba 2015.Ese waba waruziko pope François ari we nta wundi bateganya!!!?umva inyanja twogamo.kuki rero mupfa kuvuga ibidafite ubwenge muhimbahimba.ese RGB yihanangirije Gitwaza cg undi wese cg yihanangirije abanyabinyoma n’ab’inda nini!!!!????vuga ibifite ubwenge ureke guharabikana no kuvuga ibyo utatohoje neza ngo aaaha uri gukuza umwuga w’ubunyamakuru.think twice my dear...

Gashabizi Innocent Kuya 26-09-2018

BILIYA BYOSE BABYITA ESCROS GENTIL!!!!!!!!

Etienne Kuya 26-09-2018

Gusa nyine murashaka kugurisha inkuru ko mbonye my iri tangazo
nta Gitwaza na Rugagi barimo? mwagiye mukora inkuru ziyubashye zidasebanya mugambiriye gucuruza

Kiddo Kuya 26-09-2018

Ariko ririya tangazo ko ntabonye aho bihanangiriza gitwaza??title yaryo ihuriye niyanyu mwanditse??amarangamutima mukazi ntiyemewe kuko iyo uyazanye bitangira gahoro bikarangira arubusutwa

Patrick Kuya 25-09-2018

Ntago RGB yihanangirije Gitwaza nk’ukumuvugabutumwa ahubwo ubutumwa buratureba twese.Mwahindura Title!

Patrick Kuya 25-09-2018

Ntago RGB yihanangirije Gitwaza nk’ukumuvugabutumwa ahubwo ubutumwa buratureba twese.Mwahindura Title!

Patrick Kuya 25-09-2018

Ntago RGB yihanangirije Gitwaza nk’ukumuvugabutumwa ahubwo ubutumwa buratureba twese.Mwahindura Title!

Patrick Kuya 25-09-2018

Ntago RGB yihanangirije Gitwaza nk’ukumuvugabutumwa ahubwo ubutumwa buratureba twese.Mwahindura Title!

KAYONGA Kuya 25-09-2018

Mukosore gato ntabwo ari ikigo k’igihugu cy’imiyoborere(RDB) ahubwo ni "Urwego rw’Igihugu rw’Imiyoborere(RGB)