Igitekerezo: Ibintu birenga icumi ingoma ya Karuranga yangije

Hashize igihe havugwa amagambo menshi ku buyobozi bwa ADEPR mu rwanda, harimo kunyereza umutungo w’iri torero, guhohotera abanyantege nke n’ibindi, ibi bigakorwa n’ubuyobozi bw’iri torero bwabanjirije ubu buriho, kuri ubu umwe mu bakunzi b’umubavu.com yadukusanyirije amakosa arenga icumi ingoma ya Rv Karuranga na bagenzi be bamaze gukora.

Iyi nkuru ni igitekerezo cy’umusomyi w’umubavu.com usengera muri ADEPR, nawe ubaye ufite ibyiza uzi iyi ngoma yakoze wabitwoherereza ubinyujije kuri e-mail: ntheoneste111@gmail.com cyangwa ukaduhamagara kuri 0784882113 bityo tukabisangiza abakunzi bacu.

1. Kwikubira ububasha bwose, ngo abayobozi ba ADEPR bikubiye ububasha ADEPR bayigira akarima kabo Bureau Nyobozi yonyine ngo ikaba ariyo ifata imyanzuro yose, abandi bashumba bose bagateshwa agaciro, kandi imyanzuro bafashe ikaba ibangamiye hafi Abakristo bose, kugira ngo bakomeze gushimangira kudakorera mu mucyo.

2. Gushyiraho amabwiriza atatanzweho ibitekerezo nk’aho ADEPR ari Itorero rigizwe n’abantu 5 bagize Bureau Nyobozi, ahubwo bagatoteza abakristo, abapastori n’abashumba bashaka gutanga ibitekerezo (Urugero: Abakristo bafatiwe i Kabuga, bagafungwa bazira kugaragaza amafuti Bureau Nyobozi ikora,n’abashumba bari kuzira ubusa …)

3. Kwica amategeko nkana bityo itorero rigahora mu manza zidashira, aribo bagakwiye kurinda ubusugire bwaryo ( mu nkiko zitandukanye hagiye harimo imanza zituruka ku kwica amateko kw’abayobozi kandi bakayica nkana).

4. Ubuyobozi bwa ADEPR buyobowe na KARURANGA ndetse na KARANGWA bwimakaje itoneshwa n’icyenewabo ( Umuntu ashobora guhabwa akarere nta experience (uburambe ) mu by’Itorero kuko ari Secretaire Particulier wa Karangwa, ndavuga Kamugisha uyoboye Itorero rya ADEPR akarere ka Musanze.

5. Karuranga na Karangwa bakomeje gushyigikira ifungwa ry’abahoze ari abayobozi kandi na bo bagakwiriye kuba bafunzwe kuko bari mu nama zifata ibyemezo, kandi urutonde rw’abakozi 20 ba ADEPR, rwasohowe na ADEPR taliki ya 25/10/2018 rw’abandi bagomba gukurikiranywa n’urukiko bivanyemo ahubwo bagashyiramo abakozi babo banagikoresha kugeza ubu.

6. Gushyira abakozi mu myanya batujuje ibisabwa, ni gute umuntu ahabwa kuyobora Ubuzima bw’Itorero, atazi Itorero, kuyobora Ishuri rikuru rya Tewolojiya utari Pasteur (umushumba).

7. Kwaka amafaranga menshi ku bagiye kurushinga, Mu nsengero za ADEPR zose zisigaye zaka amafaranga y’umurengera ku bantu bagiye gukora ubukwe, ku buryo hari n’abakwa ari hafi kwegera inkwano bakoye, amafaranga yakwa ku muntu ugiye gukora ubukwe ari hagati ya 50.000 frw -150.000 frw , biterwa na Paroisse iyo ariyo.

8. Kugurisha ku ngufu udutabo tw’amategeko y’amabwiriza, ngewe agatabo mfite k’amabwiriza agenga abaririmbyi gafite page 11, gugafotoza ubundi ntibirenze 300 frw, ariko baka amafaranga agera kuri 3000 frw.

9. Gukomeza guheza abashumba mu nama zose zifata ibyemezo kandi aribo begereye abakristo ( Decentralisation). Kwica amategeko haba mu miyoborere no mu mitangire y’akazi, kandi turi mu gihugu kigendera ku mategeko. Ibyinshi Bureau Nyobozi ya KARURANGA na KARANGWA bakora n’indonke bashyize imbere.

10. Kuva ADEPR yabaho ubu nibwo ngo iyobowe nabi, ADEPR ni Itorero rimaze imyaka 79, kuko ryatangiye ahagana 1940, ni Umuryango ugamije :1. Kwamamaza Ubutumwa Bwiza bwa Yesu Kristo no kwigisha Ijambo ry’Imana hashingiwe kuri Bibiliya Yera ;

2. Kwandika no gukwiza ibyandikwa bya Gikirisito n’ibindi bitabo hubahirizwa amategeko ;3. Guteza imbere imibereho myiza y’abaturage hitabwa cyane cyane ku buvuzi, uburezi no ku bindi bikorwa by’iterambe ariko iyo witegereje usanga abashumba bayiyoboye ubu baratandukiriye;

1. Kwamamaza ubutumwa bwiza no kwigisha ijambo ry’Imana byasimbuwe no kubaza ngo hatuwe angahe? Raporo imeze ite? (amaturo), mwabaye abakangahe? (mu gutura), nta kubaza ngo hihannye bangahe?

2. Kwandika ibitabo by’inyigisho za Gikiristo, ni byo koko ibitabo byo birandikwa ariko urugero rwa hafi ni ibitabo Bureau Nyobozi yasohoye iri guca amafaranga menshi y’umurengera kandi kubigura akaba ari itegeko, aho gukwirakwiza ubutumwa, ahubwo babigize ubucuruzi, abayobozi baratekereza bati twanditse udutabo tukagurisha twabona abaguzi cyane ko abayoboke dufite basaga 2.000.000 x 2500= 5.000.000.000 Frw, ayo ntawazayatubaza mwigenzura (Audit), hiyongeraho amaturo n’ibyacumi imiryango itari iya Reta itagamije inyungu ntiyemererwa kugira ibikorwa by’ubucuruzi ikora ariko aha usanga byarafashe indi ntera kuburyo buri wese asa naho ari gushaka icyuho yanyuzamo.

3. Ibikorwa by’iterambere ku ngoma ya ( KARANGWA na KARURANGA), uyu musomyi Alex Muhire twahinduriye amazina ku mpamvu z’umutekano we yagaragaje ko icyo bakora ngo ni ukuzana umwiryane mu bana b’abanyarwanda no kwirira amafaranga, ingendo zidafite icyo zigamije, naho igikorwa cy’iterambere cyo ashwiiiiiii. Ahubwo benshi bakomeje gutangazwa n’uko iyo uzanye igikorwa cy’iterambere kigirira abantu rusange umumaro bahita bakurwanya cyangwa bakaguha Mutation idafite igisobanuro.

Hakaba hakomejwe kwibaza byinshi ku karengane gashingiye ku kutubahiriza amategeko. Turi mu gihugu kigendera ku mategeko, Abakristo bakaba batakamba basaba ko ubuyobozi buriho bwavaho, hakajyaho ubuzima bwagarura imitima yabaye akahebwe bityo umudendezo w’abana b’abanyarwanda ugasugira ugasagamba.





Tanga igitekerezo kuri iyi nkuru



Igitekerezo
Elyse Kuya 4-05-2019

Mbega amakuru adafite gihamya!! icyakora ikindi gihe mujye mubanza kureba icyo inkuru mugiye guha abantu izabamarira. Abaye ari nk’urwego rugushyira mumanza wasanga wisanze mugihome. Icyakora Imana ikubabarire kuko wasanga ukorera ubwami bwa Satan! Icyakora naho udukosa twabaho ariko nawe nturi amunyetorero rwose! Gusa wasanga aya makuru ufite icyo uzayungukiramo kuko abakomeje guteza umwuka mubi my itoreto nabo ni abantu nkawe. Imana ikweze rwose!

mayira Kuya 2-04-2019

rwema we iyi nkuru wagiragango ibe irimo iki? harimo amakosa yingoma ya karuranga.keretse niba utazi gusoma ahubwo.

Esther Kwizera Kuya 2-04-2019

Njyewe rwose ibi birambabaza cyaneeeee itorero ry’Imana niko twatangiye twitwa none ubu koko turaganahe,twatangije iby’umwuka none duherutse iby’umubiri.icyo navuga ni uko abantu bangana ari abicanyi(uwanga mwenese ni umwicanyi) Rero abapastori benshi abo twita ba Reverend nibyicany

mbabazi grace Kuya 2-04-2019

ndabasuhuje,ubundi ngo inkoni ikubise mukeba uyirenza urugo Niko abanyarwanda baciye umugani.nkurikije ibintu byavuzwe kubuyobozi
bwavuyeho narinziko ubu bwa Karuranga buje gukosora amakosa yose no kunga imvune zari mumitima y’abayoboke babo!!!! none ibintu ndabona birushaho kuba bibi. Mana utabare abantu bawe

rukundo prince Kuya 1-04-2019

Mu by’ukuri uyu musomyi w’umubavu ibyo yavuze nibyo ahubwo yavuze bike. ubu buyobozi bwagaragaje kenshi ko budashoboye, ariko bigeze ku munsi wa graduation twese twarumiwe. umuyobozi utinyuka gutegura graduation agatumira abantu atarigeze avugana na Mineduc (HEC), abanyamakuru bamubaza agasubizako ngo atari azi ko agomba gukorana nabo. murakabije kudutera igisuzuguriro. Turatabaza Nyakubahwa President wa Republika ngo adufashe gukemura iki kibazo kuko itorero ryacu rimeze nk’aho ridafite ubuyobozi.

rukundo prince Kuya 1-04-2019

Mu by’ukuri uyu musomyi w’umubavu ibyo yavuze nibyo ahubwo yavuze bike. ubu buyobozi bwagaragaje kenshi ko budashoboye, ariko bigeze ku munsi wa graduation twese twarumiwe. umuyobozi utinyuka gutegura graduation agatumira abantu atarigeze avugana na Mineduc (HEC), abanyamakuru bamubaza agasubizako ngo atari azi ko agomba gukorana nabo. murakabije kudutera igisuzuguriro. Turatabaza Nyakubahwa President wa Republika ngo adufashe gukemura iki kibazo kuko itorero ryacu rimeze nk’aho ridafite ubuyobozi.

Olivier M Kuya 1-04-2019

Amahoro abane namwe ariko fred nabandi mbasabye akantu kamwe mwanyumva ADEPR ubundi mwitirirwa murayikunda ikimbabaza ninkigihe muvuza induru nkaho ntamwami mufite iritorero ryatangiye abandibose ari abapagani none ntangazwa nuko naba bavuza induru bose ninda ibibatera abavuyeho bagenda mwarasakuje mubona abandi nabo nibwo bakiza induru irabishe nawe ugiyeho cg abandi induru yavuzwa bakubwirako uri kurya gusa icyo nabasaba muzige gusenga

Rwema Kuya 1-04-2019

Uretse amatiku yabarenze ubu iyi nkuru irimo iki?

Karungu Kuya 31-03-2019

Nonese kujya muri ADEPR mwagiyemo babahase Niba mubona mutangiye kuvangirwa mwayivamo ko nubundi ntacyo byabamarira kubaho muri mumatiku yaburigihe
Bibiliya
Iravuga ngo mwirinde uko mugenda hato mutagenda nkabatagira ubwenge

Ubundi idini reka mbyite idini kuko itorero nirya Kritso ryabaye kugirango abantu babone aho bateranira kuko ijambo ry’Imana riravuga ngo muterane kugirango guterana kwanjye kwera kubeho

None Niba ujya guterana ukavayo umutwe ukurya kubera ibibazo wahutiyeyo ntabwo utabasha kwihanganira. Wabireka .

Karungu Kuya 31-03-2019

Nonese kujya muri ADEPR mwagiyemo babahase Niba mubona mutangiye kuvangirwa mwayivamo ko nubundi ntacyo byabamarira kubaho muri mumatiku yaburigihe
Bibiliya
Iravuga ngo mwirinde uko mugenda hato mutagenda nkabatagira ubwenge

Ubundi idini reka mbyite idini kuko itorero nirya Kritso ryabaye kugirango abantu babone aho bateranira kuko ijambo ry’Imana riravuga ngo muterane kugirango guterana kwanjye kwera kubeho

None Niba ujya guterana ukavayo umutwe ukurya kubera ibibazo wahutiyeyo ntabwo utabasha kwihanganira. Wabireka .

Karungu Kuya 31-03-2019

Nonese kujya muri ADEPR mwagiyemo babahase Niba mubona mutangiye kuvangirwa mwayivamo ko nubundi ntacyo byabamarira kubaho muri mumatiku yaburigihe
Bibiliya
Iravuga ngo mwirinde uko mugenda hato mutagenda nkabatagira ubwenge

Ubundi idini reka mbyite idini kuko itorero nirya Kritso ryabaye kugirango abantu babone aho bateranira kuko ijambo ry’Imana riravuga ngo muterane kugirango guterana kwanjye kwera kubeho

None Niba ujya guterana ukavayo umutwe ukurya kubera ibibazo wahutiyeyo ntabwo utabasha kwihanganira. Wabireka .

Nkurikiyintwari Donat Kuya 31-03-2019

Ariko mwa banyamakuru mwe mwandika ibintu nk’ibi mwibaza iki? Ndabagaye ntamuntu wandikana umujinya inkuru ngo igire uwo ifasha! Mujye mubanza mwikuremo ibyo mwifuza ahubwo mwite kubyo abasomyi bakeneye! Ntidukeneye byacice please!

Nkurikiyintwari Donat Kuya 31-03-2019

Ariko mwa banyamakuru mwe mwandika ibintu nk’ibi mwibaza iki? Ndabagaye ntamuntu wandikana umujinya inkuru ngo igire uwo ifasha! Mujye mubanza mwikuremo ibyo mwifuza ahubwo mwite kubyo abasomyi bakeneye! Ntidukeneye byacice please!

Amina Kuya 31-03-2019

hhhhhh aba bo byarabacanze pe,gusa bashobora kuba bafite izindi mbaraga zibashyigikiye kuko bakagomhye kuba baravuyeho kuko amakosa yabo agaragarira buri wese

karasira Fred Kuya 31-03-2019

aho bigeze bimaze kuturambira, turatabaza nyakubahwa H.E Paul KAGAME narengere abaturarwanda basengera muri ADEPR kuko abayobozi bacu batugejeje ahabi. nyakubahwa perezida wa repubulika sinzi niba mwaramenye ibibera muri ADEPR ariko turabasabye mubyeyi mudutabare kuko tugeze ahabi.