Facebook igiye guhindura byinshi ku rubuga rwayo

Ubuyobozi bw’urubuga nkoranyambaga rwa Facebook bwatangaje ko bugiye guhindura ibintu bikomeye bizatuma abayikoresha bazajya bavugana ibintu by’akamaro mu buzima bwabo bwa buri munsi kuruta uburyo bwari busanzwe.

Abantu bazajya babona inkuru nyinshi kuri bagenzi babo hamwe n’imiryango yabo mu gihe inkuru zijyanye n’amakompanyi n’ibindi zo zizagabanuka kuri urwo rubuga.

Umukuru w’urwo rubuga rwa Facebook, Mark Zuckerberg yasobanuye ko abakora mu bucuruzi n’ibinyamakuru barimo gushaka gukoresha Facebook mu bikorwa byabo bituma babangamira ku buryo bukomeye umuntu uyikoresha.

PNG - 532.3 kb
Uwashinze Facebook,Mark Zuckerberg


Avuga kandi ko ibyo Facebook ishyize imbere nubwo hakiri imbogamizi ari uko abantu bazajya bakoresha Facebook akanya gato ariko ako kanya kakaba gafite akamaro kanini cyane aho kuyihindura ubuzima bwose.

Bizaba ari ibintu bikomeye bihindutse kuri urwo rubuga rukoreshwa n’abantu barenga Miriyari ebyiri ku isi yose, bikazanongera imisoro iva mu matangazo.
Uyu muyobozi wa Facebook avuga ko kugeza ubu Facebook ikomeje urugamba rwo guhangana n’ikibazo cy’abantu bayikunda kurenza urugero ku buryo bishobora kubagiraho ingaruka ku buzima bwabo cyane cyane bibatera indwara zo mu mutwe.

PNG - 875.2 kb
Mark Zuckerberg washinze Facebook ari kumwe n’umugore we

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
nzabahimana abel Kuya 13-01-2018

eee numva bikaze