Zari yikomwe bikomeye n’umuryango wa Diamond kubera kujyana abana be mu Bakristu

Umunyamideli Zari Hassan wari umaze imyaka itatu ari umugore wa Diamond Platnumz, yateje uburakari mu muryango ku bwo kujyana abana mu bakirisitu.

Uyu mugore ukomoka muri Uganda yakundanye na Diamond ndetse bahita batangira kubana mu mpera z’umwaka wa 2014, icyo gihe uyu muyobozi wa Wasafi Classic Baby[WCB] yari amaze gutandukana na Wema Sepetu.

Zari yemeje ko urukundo rwe na Diamond rwageze ku iherezo ku wa 14 Gashyantare 2018 ku munsi wahariwe abakundana[Saint Valentin]. Yavuze ko yasize Diamond ku bwo kunanirwa kwihanganira ibibazo no gucibwa inyuma.

Ubu, ibibazo byasubiye ibubisi mu muryango wa Diamond nk’uko ikinyamakuru Amani kibitangaza. Intandaro ni Zari wafashe abana yabyaranye na Diamond akabajyana mu rusengero gusengana n’abakirisitu kandi kwa sekuru ari abayoboke ba Islam mu maraso.

Umwe mu bavandimwe ba Diamond yagize ati “Nyina wa Diamond na se nibo barakaye cyane, urebye Diamond bisa nk’aho ntacyo bimubwiye. Urabona kuba ababyeyi b’umusore kugira ngo bemere ko abuzukuru babo bayoboka inzira ya nyina ntabwo bipfa kwemerwa.”

Yongeyeho ati “Niyo mpamvu barakaye cyane, barifuza ko Diamond ahagarara nk’umugabo agafata umwanzuro.”

Icyababaje umuryango wa Diamond ngo ni uko Zari amaze kujya gusenga ari kumwe n’abana be inshuro nyinshi; kubajayana rimwe ngo ntacyo byari bitwaye ariko amaze kwerekana ko yabigize akamenyero nibwo ibibazo byavutse.

Abdul Juma se wa Diamond yavuze ko yababajwe bikomeye no kuba uwari umukazana we yarafashe umwanzuro wo kujya kwigisha abuzukuru be ibyerekeye ubukirisitu kandi umuryango wabo wose ari Abayisilamu ari nayo nzira yifuzaga ko bakurikiza.

Yagize ati “Ntabwo duhakanye idini ariko icyatubabaje ni ukubera iki afata abana akabajyana ku ruhande rumwe. Urabona na we ari kugarukira Imana mu bakirisitu ariko ntabwo byemewe ko ajyanayo abana atabanje kuvugana n’uwo babyaranye.”

Aba bana ngo Zari aritegura kubabatirisha bagakura ari abakirisitu. Yatandukanye na Diamond bari bamaze kubyarana abana babiri ari bo Nillan Dangote na Latifah Dangote.

Kuri Zari hiyongeraho batatu yabyaranye na nyakwigendera Ssemwanga ari bo Pinto, Quincy n’uwitwa Didy. Diamond afite abandi ku ruhande gusa yemera umwe witwa Abdoul yabyaranye na Hamisa Mobeto.

PNG - 787.3 kb
Umuryango wa Diamond warakajwe no kuba Zari yajyanye abana babo mu Bakristu





Tanga igitekerezo kuri iyi nkuru



Igitekerezo
Hatungimana jonas Kuya 18-03-2018

Ubundi y’ashatse kumwerekako batakiri k’umwe Kubera Ubwamazekumwakabana akabajana Gusenga mubakristo. Y’aberetseko batakirikumwe. Ariko sekuru Waboyibuke. Kwakabura ntikaboneke. Ari Nyina wumuntu. N’ayabarezi nka Joseph bazoboneka. Nayesu yarakuze !!