Zari yaba yishumbushije Umwarabu nyuma yo kurangizanya na Diamond?

Nyuma y’icyumweru kimwe umuherwekazi Zari Hassan (The Boss Lady) atangarije umuhanzi Diamond ko atandukanye nawe Burundi, kuri ubu biravugwa ko yaba yamaze kwishumbusha umugabo w’Umwarabu dore ko bamaze gushyira hanze ifoto bari kumwe bameze neza.

Iyi foto ya Zari n’uyu mugabo w’Umwarabu utaramenyekana amazina ye, yavugishije abatari bake ku mbuga nkoranyambaga cyane cyane abasanzwe bakurikira uyu muherwekazi nkuko abyiyita bibaza niba koko uyu mugabo ariwe waba ugiye gusimbura Diamond muri iyi minsi utamerewe neza na gato.

PNG - 773 kb
Iyi foto niyo yatumye abantu bacika ururondogoro ku mbuga nkoranyambaga bibaza niba uyu ari we usimbujwe Diamond hadaciye kabiri


Abakunzi ba Zari ku mbuga nkoranyambaga bakomeje kumusaba kubanza akitonda mbere yo kongera kwinjira mu rukundo n’undi mugabo bashingiye ku bibazo yagiye agirana na Diamond ndetse bamwe banamusaba ko byari bikwiye ko arekera aho kongera gukururana n’abagabo dore ko hari abavuga ko akuze.

PNG - 683.2 kb
Ku munsi w’abakundana (Saint Valentin) nibwo Zari yatangarije Diamond ko atakiri umugore we dore ko banabanaga mu buryo butemewe n’amategeko (batarasezeranye imbere y’amategeko yewe n’Imana)


Icyakora ikinyamakuru TUKO nacyo cyanditse iyi nkuru, kivuga ko uyu mugabo wagaragaye ari kumwe na Zari bishoboka ko atari umukunzi we mushya ahubwo akaba ari uwigeze kumuha akazi.

Nubwo amakuru atandukanye akomeje kuvuga ko Zari yaba yishumbushije uyu mugabo w’Umwarabu, biravugwa ko uyu mugabo ariwe wateguye umunsi mukuru w’amavuko w’umwana wa Zari na Diamond ariwe Prince Nillan, akaba aribwo bamenyane cyane.

Buri wese akomeje kwibaza ategereje kumenya niba koko uyu muherwekazi yaba yishumbushije uyu mugabo bashingiye ku kuba bashyize hanze ifoto bari kumwe.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo