Zari ashobora kwisanga mu matsa nyuma yuko ahishuye ko afite umwana yabyaye hanze

Nyuma yuko umunyamideli akaba n’umushabitsi ukomeye, Zari Hassan (The Lady Boss), ubana mu buryo butemewe n’amategeko n’umuhanzi Diamond Platnmuz (uherutse mu Rwanda) atangarije ko afite umwana w’umukobwa yabyaye mu gasozi kuri ubu ufite imyaka 27 y’amavuko, bikomeje kwibazwa niba aba babyeyi bamaze kubyarana abana 2 barakomeza gucana uwaka mu rugo rwabo dore ko rudasibamo intonganya akenshi zituruka ku myifatire yabo bombi

Bizwi ko Zari Hassan afite abana batatu yabyaranye n’umuherwe Ivan Ssemwanga witabye Imana aguye mu gihugu cya Afurika y’Epfo nyuma yo kubagwa ku bwonko. Zari kandi yabyaranye abana babiri na Diamond banabana kuri ubu aho bavuga ko bitegura no kuzakora ubukwe mu minsi iri imbere kugira ngo babane mu buryo bwemewe n’amategeko.

Nk’uko bigaragara kuri konti ye ya Instagram y’urubuga rwitwa The Original East, hari amakuru ashimangira ko Zari yabyaye umwana w’umukobwa mbere y’uko ahura n’aba bagabo batumye yisanga mu itangazamakuru umunota ku munota. Kuri iyi konti ye handitse ko mu 1992, Zari yabanaga n’umugabo witwa Dj banaje kubyarana umwana w’umukobwa bakamwita Jamila.

PNG - 707.1 kb
Ubu ni ubutumwa bwemeza ko Zari yabyaye umwana mu gasozi


Zari na Dj, bamaranye umwaka umwe bashwana mu 1993 buri wese aca inzira ze. Icyo gihe Zari yahise yerekeza mu gihugu cy’u Bwongereza akomeza amashuri ye anakora umuziki, nyuma aza kugaruka muri Uganda ari naho yamenyaniye na Ivan Ssemwanga wamufashije gutegura bimwe mu bikorwa akora ubu by’ubucuruzi.

PNG - 1 Mb
Uyu ni Diamond ari kumwe n’abana be ndetse n’aba Nyakwigendera Ivan Ssemwanga


Nyakwigendera Ivan Ssemwanga yaje gutandukana na Zari bafitanye abana batatu. Urugendo rw’urukundo uyu mugore yarukomereje ku muhanzi Diamond babana ubu banafitanye abana babiri.

PNG - 885.3 kb
Uru ni urubyaro rwa Zari na Diamond


Mu mwaka wa 2014, nibwo byatangajwe ko Zari akundana na Diamond Platnumz. Benshi bakomeje kwibaza uburyo uyu mugore yabikomezemo kugira ngo imyaka 27 yose ibe yirenze afite umukobwa w’inkumi atifuje gutangaza.

PNG - 1 Mb
Nubwo bahorana ibibazo mu rwabo, bajya bagirana ibihe byiza


Nta gihe gishize kandi, umugabo we Diamond yemeye ko yabyaye umwana mu gasozi amubyaranye n’umunyamideli Hamisa Mobeto. Ubwo yari mu Rwanda mu cyumweru gishize, uyu muhanzi yabwiye itangazamakuru ko nta wundi mugore afite ahubwo ko afite umukunzi ariwe Zari nyamara agakomeza gushinjwa undi mukobwa witwa Tunda nawe umaze iminsi yarasusurukije itangazamakuru avuga ko akundana na Diamond ndetse ko yifuza kubyarana nawe umwana.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo