Zari arashengurwa nuko kuva atandukanye na Diamond atarigera asura abana babyaranye

Kuva tariki ya 14 Gashyantare 2018 (Umunsi wahariwe abakundana) umuherwekazi (The BossLady) Zari atangarije isi ko atandukanye burundu n’umuhanzi utoroshye mu isi ya Muzika ariwe Diamond Platnumz amushinja kumara umwanya munini ashimagiza uruhuri rw’abagore be, ubu nibwo atatse ko kuva yatandukana n’uyu muhanzi atigeze n’umunsi n’umwe agerageza kuvugisha abana be cyangwa ngo abasure aho bari mu gihugu cya Afurika y’Epfo.

Zari mu magambo yuje agahinda dore uko yatangaje imyitwarire ya Diamond nyuma yo gutanduka kwabo.
Mu magambo ye yagize ati: ”Diamond ntiyigeze asura cyangwa ngo anavugane n’abana be kuva twashwana, Niba yarifuzaga gutera inkunga abana be yakabaye yarabikoze, niba atabishaka nta kibazo. Jye nzabikora.”

Gusa Zari nubwo yavuze ibi, ku bijyanye no kurera aba bana yabyaranye na Diamond yaro yavuze ko nta kibazo cyo kubarera afite haba mu by’ubushobozi icyokora yongeraho ko atabujije ise ko nawe yabitaho mu buryo runaka.

Bimwe mu binyamakaru byo muri Tanzaniya byanditse iyi nkuru birimo nka Ghafla bivuga ko Zari ubwo aheruka mu gihugu cya Tanzaniya atigeze asura abahoze ari ababyeyi b’umugabo we. Ubwo uyu mugore yari mu gihugu cya Kenya yategetse abagabo b’ibigango bamurinda kutemerera Diamond kugera aho yari ari.

PNG - 701.9 kb
Agahinda ni kose kuri Zari kubera Diamond udashaka gusura abana be babyaranye

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo