Wema Sepetu yahiye ubwoba kubera urupfu rwa Agnes Masogange nawe akomoza ku rupfu rwe

Nyuma yuko Wema Sepetu wabaye nyampinga w’igihugu cya Tanzania mu mwaka wa 2006 abonye uburyo mugenzi we w’Umunyamideli Agnes Gerald [Masogange] wari uzwi cyane mu b’ikimero bakundaga gukoreshwa mu ndirimbo zigezweho yitabye Imana mu buryo butunguranye ndetse bw’amayobera ku itariki ya 21 Mata 2018 , byatumye nawe akubita agatima ku rupfu dore ko rutajya rurebera izuba uwo ariwe wese maze ahishura uko yifuza umunsi yapfuye byazagenda ndetse anahinshura inshuti ye magara yagakwiye kuba iya mbere mu gushyira ururabo ku mva ye.

Umunyamideli wari uw’ikimero, Masogange yapfuye nyuma y’ibyumweru bibiri Urukiko rwa Kisutu rwemeje ko agomba gufungwa imyaka ibiri nyuma y’uko rwamuhamije icyaha cyo gukoresha no gukwirakwiza ibiyobyabwenge.

PNG - 921.2 kb
Umunyamideli Agnes Masogange yitabye Imana ku itariki ya 21 Mata 2018 bikavugwa ko yazize gukoresha ibiyobyabwenge birenze urugero dore ko yari yaranakatiwe gufungwa imyaka ibiri nyuma y’uko ahamijwe n’urukiko icyaha cyo gukoresha no gukwirakwiza ibiyobyabwenge
PNG - 641.9 kb
Urupfu rw’uyu munyamideli rwababaje bikomeye ibyamamare bitandukanye
PNG - 823.6 kb
Agnes Gerald [Masogange] yari uzwi cyane mu b’ikimero bakundaga gukoreshwa mu ndirimbo zigezweho



Urupfu rwe rwakurikiwe n’inkuru zitandukanye ahanini zishimangira ko yashizemo umwuka nyuma y’uko umubiri we wari wananijwe n’ibiyobyabwenge ari nabyo yari akurikiranyweho.

Urupfu rw’uyu mukobwa rwateje umwuka w’ubwoba muri bimwe mu byamamare kugeza n’ubu bitarumva neza uburyo uyu munyamideli yapfuye ari nabyo byatumye uyu mukinnyi wa Filimi, Wema Sepetu nawe atangaza ibijyanye n’umunsi azaba yapfuye.

PNG - 875.7 kb
Wema Sepetu yahiye ubwoba nyuma yo kubona uburyo mugenzi we Agnes Masogange apfuye mu buryo butunguranye bw’amayobera


Wema Sepetu yatangaje ko yifuza ko umunsi yapfuye abantu bazishima kandi bakanezerwa bishimira ubuzima yabayeho akiri muzima.
Wema Sepetu yatangaje ko yifuza ko umunsi yapfuye yifuza ko abazitabira umuhango wo kumushyingura bazaba bambaye neza. Ikindi uyu mukobwa yatangaje ko yifuza ko isanduku azashyingurwamo bazayitaka ibara rya Pink.

Wema yagize ati “Umunsi napfuye abazitabira uwo muhango bazabe bagaragara neza kandi aho umubiri wanjye uzashyirwa hazabe hatatswe indabo z’ibara rya Pink."

Wema yatangaje ko yifuza ko umuntu wa mbere wazabanza gushyira ururabo ku mva ye ari Aunt Ezekiel, uyu nawe akaba ari umwe mu bakinnyi ba filime bakomeye cyane mu gihugu cya Tanzaniya.

Wema Sepetu avuze ibi byerekeye igihe azaba yapfuye nyuma y’urupfu rw’umunyamideli Agnes Gerald [Masogange] wapfuye yari akurikiranweho gukoresha no gukwirakwiza ibiyobyabwenge mu itsinda rimwe na Diamond, T.I.D, Idris Sultan, Vanessa Mdee, Nay Wa Mitego, Ray C n’abandi.

PNG - 870.5 kb
Uretse ababyeyi ba Agnes Masogange, na bimwe mu byamamare ntibirashyikira neza urupfu rwe


Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo