Wa mugabo wabengeye umukobwa i Kigali ku munsi w’ubukwe yirongoreye undi munyarwandakazi i Burundi

Nta gihe kinini cyane gishize umugabo witwa Simon Mutabazi Babonampoze yumvikanye mu binyamakuru bitandukanye nyuma yuko ku munota wa nyuma w’umunsi w’ubukwe abenze umukobwa witwa Nadine Seraphine Ndikuriyo, none kuri ubu akaba yamaze kurongora undi munyarwandakazi i Bujumbura.

Tariki ya 10 Wururwe 2018, ni bwo hasakaye inkuru y’umugabo witwa Mutabazi Simon wabenze umukobwa ku munota wanyuma ku mpamvu zitamenyekanye kuko abakwe n’inshuti n’abavandimwe bari bamaze kugera ahitwa “Romantic Garden” aho imihango yo gusaba no gukwa yari kubera.

PNG - 475.6 kb
Ubu ni ubutumire bw’ubukwe bwa mbere Babonampoze yagombaga gukorana n’umukobwa yabenze


Ibi byatunguye benshi barimo n’abari bitabiriye ubwo bukwe kubera uburyo bategereje uyu mugabo ariko bakamubura mu gihe ibyari bukoreshwe byari bayamaze kwishyurwa ndetse n’ibyo kunywa no kurya bikaba byari byamaze kuhagera.

Byabaye ngombwa ko abagize umuryango w’umukobwa bategereza umukwe wabo ku buryo kugeza saa kumi n’ebyiri n’igice z’umugoroba bari bakiri kuri Romantic Garden bumiwe.

Icyo gihe umwe mu bo mu muryango wa Mutabazi Babonampoze utifuje ko amazina ye atangazwa, yabwiye IGIHE ko umusore asanzwe aba muri Amerika ndetse yatandukaniyeyo n’umugore.

Yemeje ko ajya kumenyana n’umukobwa bari bagiye gushyingiranwa bateretaniye ku mbuga nkoranyambaga bataziranye nyuma baza kubonana imbonankubone i Burundi, uwo mukobwa ari kumwe na nyina, ku buryo ari na ho imyiteguro yakomeje ariko umusore ntiyohereza inkwano nk’uko yari yabibasezeranyije gusa ntibyabuza imyiteguro gukomeza.

Mu mpera z’icyumweru gishize, Simon Mutabazi Babonampoze yakoye akanasezerana mu mategeko n’umunyarwandakazi uzwi ku izina rya Alima uvuka mu Karere ka Rusizi, iyi imihango y’ubukwe bwabo ibera i Burundi.

PNG - 968.1 kb
Alima (uri inyuma) niwe warongowe na Babonampoze nyuma yo kubenga Nadine Seraphine Ndikuriyo ku munota wa nyuma


Umwe mu bakobwa bo mu Murenge wa wa Kamembe ahitwa ku rya Gatatu aho Alima yabaga, wanze ko izina rye ritangazwa avuga ko nta muntu n’umwe w’iwabo w’uyu mukobwa watashye ubu bukwe.

Yagize ati “ Yarongowe n’uwo mugabo wabenze umukobwa ku Gisozi, ubukwe babukoreye i Burundi ariko nta muntu n’umwe w’iwabo w’umukobwa wahageze kuko bameze nk’abamuhaye akato kubera ko yashakanye n’umuntu utari umuyisilamu bitewe n’uko muri Islam kizira ko umukobwa ashakana n’umugabo utari umuyisilamu.”

PNG - 748.1 kb
Babonampuze n’umugore we Alima ku Kiyaga cya Tanganyika i Burundi barya ubuzima nyuma yo kwambikana impeta


Nyuma y’ibi byose, abo mu muryango w’uyu mukobwa ntibemeye kugira icyo batangaza.

PNG - 873.6 kb
Ubwo uyu mugabo yabengaga umukobwa bagombaga gushyingiranwa, ubukwebwo bwari bwamaze kwitegurwa

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo
Appolinaire mugisha Kuya 7-04-2018

Andika Igitekerezo Hannomana weee! Gusa birababaje kdi biteye nagahinda. ubwose konshimye abanye n’ uwo. bazamarana kabira ra!! tubiteg amaso

Gahungu Paul Kuya 4-04-2018

Uyu mugabo ndamuzi ahorana udushya n’amanyanga menshi, avuka mu karere ka nyamasheke mu cyahoze ari komine Gatare. Twakoranye nawe Cimerwa tumwita Njangwe kubera amanyanga n’uburiganya bwinshi.

sarah Kuya 4-04-2018

Andika Igitekerezo Hannoahaaaa uwo alima ababaje nyina gsa ark nawe azabona ishyano reka tubitege amaso

jazz Kuya 3-04-2018

Andika Igitekerezo Hanno uyu Babonampoze ni umusazi pe!ibye nuyu arongoye tubihange
amaso!ahaaaaa nzaba mbarirwa.

jazz Kuya 3-04-2018

Andika Igitekerezo Hanno uyu Babonampoze ni umusazi pe!ibye nuyu arongoye tubihange
amaso!ahaaaaa nzaba mbarirwa.