Uwabaye Perezida wa Real Madrid yishwe na COVID-19

Lorenzo Sanz wabaye Umuyobozi w’ikipe ya Real Madrid yo mu Cyiciro cya Mbere muri Espagne, yapfuye ku wa Gatandatu tariki ya 21 Werurwe 2020, aguye mu bitaro aho yari arwaye Coronavirus/COVID-19.

Uyu mugabo yapfuye afite imyaka 76 y’amavuko, yayoboye Real mu mwaka wa 1995-2000. Icyo gihe Real Madrid yatwaye ibikombe bibiri bya Champions League.

Igikombe cya mbere ku buyobozi bwe Real Madrid yagitwaye mu 1998 itsinze Juventus ku mukino wa nyuma, hari hashize imyaka 32 idatwara iki gikombe.

Lorenzo San Duran umuhungu we yavuze iby’uru rupfu rwa Se abinyujije ku rubuga rwa Twitter.

Yagize ati “Data yitabye Imana. Ntabwo yari akwiye iherezo rimeze gutya. Umwe mu bantu beza, b’intwari kandi bakoraga cyane nabonye mu buzima bwange. Umuryango we na Real Madrid ni byo yashyiraga imbere.”

Lorenzo yavuye ku buyozi bwa Real Madrid atsinzwe na Florentino Perez mu 2000, niho Real Madrid yatangiriye ibihe bishya bya “Galácticos” (gukinisha abakinnyi bahenze cyane) itangira gukoresha amafaranga menshi.

Nyuma yo gutandukana na Real Madrid, Lorenzo Sanz yaguze ikipe ya Malaga mu 2006, aza kuyigurisha muri 2010.

Lorenzo Sanz abaye umwe mu hitanywe na Coronavirus ufite aho ahuriye n’ibikorwa bya siporo ku Isi.


Lorenzo Sanz yishwe n’icyorezo cya COVID-19 gikomeje kujujubya Isi

Abari gusenyerwa mu Kagari ka Nyarutarama bati "Bazane imbunda baturase, ngo ntibakitaye kuri Coronavirus yugarije u Rwanda ndetse n’Isi, ngo COVID-19 ni ibyo bari gukorerwa, indwara twayihinduye ibingibi, ntabwo indwara tukiyitayeho:





Tanga igitekerezo kuri iyi nkuru



Igitekerezo