Umuraperi Prezzo ari mu mazi abira nyuma yo kwifotoza ari mu maguru y’umuhanzikazi Asinah

Umuhanzi w’umuraperi Jackson Ngechu Makini uzwi nka Prezzo, kuri ubu ari mu mazi abira azira ifoto yifotoje ari mu maguru y’umuhanzikazi Asinah dore ko atangaza ko byamuteranyije n’umukunzi we akimara kubona iyo foto yacicikanye ku mbuga nkoranyambaga mu minsi ishize ubwo bari mu mushinga wo gukorana indirimbo.

Jackson Ngechu Makini (Prezzo), usanzwe ari umuraperi ukomeye mu gihugu cya Kenya, yakundanye byeruye na Amber Lulu mu mwaka wa 2017 baza no kwerura ko bazambikana impeta yo kubana vuba.

Uyu muhanzi rero akaba ari kuvugwaho guca inyuma umukunzi we Lulu cyane ko yari yamwerekanye mu muryango w’iwabo. Amber Lulu yabwiye Global Publishers ko nawe yumvise amakuru y’uko umukunzi we yaba asigaye amuca inyuma ariko ntabifate nk’inkuru y’impamo.

PNG - 909.4 kb
Prezzo n’umukunzi we Lulu


Lulu yakomeje avuga ko mu gihe iyi nkuru yaba ari ukuri, uyu mukunzi we yaba yaramuhemukiye ashingiye ko yamwizeraga cyane nk’umuntu bemeranyijwe kuzabana akaramata.

Yagize ati “ ibyo byo kwerekana undi mugore narabyumvise cyane ariko biramutse ari byo yaba ampemukiye cyane kuko we yemeye ko mwerekana no mu bavandimwe kuko yari yarantwaye umutima.”

PNG - 785.7 kb
Asinah na Prezzo mu mushinga yo gukorana indirimbo
PNG - 788.7 kb
Prezzo yafotowe ari mu maguru ya Asinah ubwo bari mu mushinga yo gukorana indirimbo


Umuhanzi Prezzo yakunze kugarukwaho cyane mu itangazamakuru avugwaho inkuru zo gukundana no gutandukana n’abakobwa batandukanye.

Mu mwaka wa 2012 nibwo yatangiye kumenyekana ubwo yitabiraga irushanwa rya Big Brother Africa. Ubu ari gukorana indirimbo n’umuhazikazi w’umunyarwandakazi Asinah bivugwa ko izaba yitwa ‘One time baby’.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo