Umunyana Shanitah yandagaje Bishop Rugagi amuziza kumubeshya ko azaba Nyampinga

Nyuma yuko irushanwa ryo gutoranya Nyampinga w’u Rwanda 2018 rishojwe ku mugaragaro tariki ya 24 Gashyantare 2018 muri Kigali Conventino Center, ku mbuga nkoranyambaga hakomeje gucicikana amakuru avuga ko Umunyana Shanitah yandagaje Bishop Rugagi bikomeye nyuma yo guhanurirwa ko ariwe uzambikwa ikamba rya Nyampinga bikarangira aribuze.

Ubwo irushanwa rya Miss Rwanda 2018 ryari ririmbanyije nibwo humvikanye amakuru ko Bishop Rugagi yahanuriye Umunyana Shanitah na we wari mu bahatana kuzatwa ikamba amubwira ko azatoranywa nkuko Esiteri yatoranyijwe mu bandi bakobwa akaba umwamikazi.

Nubwo Bishop Rugagi yahakanye aya makuru akavuga ko we yamusengeye akamwaturiraho uwo mugisha, yaje no kugaragara cyane mu bikorwa byo kumwamamaza akoresheje imodoka ye bwite ndetse hari n’amakuru yemeza ko uyu Mukozi w’Imana yasabye abayoboke b’Itorero ayobora gushyigikira Shanitah.

PNG - 926.6 kb
Nyuma yo kumva ko ibintu byageze kure, Bishop Rugagi yahakanye ibyo guhanurira Umunyana Shanitah avuga ko yamusengeye amuhesha umugisha


Gusa n’ubwo hakoreshejwe imbaraga nyinshi mu kumwamamaza, byarangiye Shanitah ategukanye ikamba n’ubwo ataviriyemo aho kuko yabaye igisonga cya mbere cya Nyampinga w’u Rwanda 2018.

PNG - 852.8 kb
Umunyana Shanitah yabaye igisonga cya Mbere cya Nyampinga w’u Rwanda 2018


Kuri ubu rero harimo gucicikana ifoto yerekana ikiganiro Bishop Rugagi yagiranye na Shanitah kuri Whatsapp batukana.

PNG - 260.8 kb
Iki kiganiro kirimo ibitutsi Umunyana Shanitah yandagaza Bishop Rugagi nicyo gikomeje gucicikana ku mbuga nkoranyambaga zitandukanye


Gusa ntawahamya ko aya makuru ari ukuri ijana ku ijana dore ko ikoranabuhanga rigeze kure muri iki gihe.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
Sammy Kuya 3-03-2018

Ibyo nibyo abantu bavuga gusa.... Naza montaye bakora kugirango bandagaze Umukozi w’Imana Rugagi
Shanitah wenyine yarabyivugiye ko Rugagi atamuhanuriye ahubwo yamwatuyeho Umugisha

jean de dieu umunyakuri Kuya 1-03-2018

Andika Igitekerezo uyushanita arabeshyacyane bishop ntiyigeza amuhanurira ahubwoyaramusengeye, amwaturiraho imigisha asabanabakristu kumushyigikiracyane iyo abihanura ntagoyarigusaba inkungayabayobokebe go shyigikira chanitha ahubwo ntakijijweneza

jean de dieu umunyakuri Kuya 1-03-2018

Andika Igitekerezo uyushanita arabeshyacyane bishop ntiyigeza amuhanurira ahubwoyaramusengeye, amwaturiraho imigisha asabanabakristu kumushyigikiracyane iyo abihanura ntagoyarigusaba inkungayabayobokebe go shyigikira chanitha ahubwo ntakijijweneza

Dona Kuya 28-02-2018

Barabeshya ni uguharabikana