Umukobwa wateguraga cya gitaramo cyo kwimara ipfa mu gusambana yatawe muri yombi

Umukobwa ufite amazina ya Ishimwe Christine wateguraga ikirori bivugwa ko cyari kuzaberamo ubusambanyi yatawe muri yombi na Polisi y’u Rwanda.

Aganira n’Itangazamakuru, Umuvugizi wa Polisi y’ u Rwanda, CP Theos Badege yavuze ko Ishimwe Christine ubu ari mu maboko y’ubugenzacyaha.

Amakuru Umuryango ufite ni uko uyu mukobwa atari we wenyine wateguraga iki gitaramo ahubwo hari n’umusore bagiteguranye ubu nawe akiri gushakishwa ngo ashyikirizwe inzego z’ubutabera.

PNG - 695 kb
Uyu ni Ishimwe Christine ushinjwa gutegura gitaramo bise ’Private Pussy Party’ cyari kuzaberamo ubusambanyi.


Ntabwo biradushobokera kuvugana n’Urwego rw’Igihugu rw’Ubugenzacyaha RIB kugira ngo baduhe amakuru ahagije kuri Chritine watawe muri yombi na Polisi y’Igihugu.

Uyu mukobwa atawe muri yombi nyuma y’uko Bamporiki Edouard umuyobozi mukuru w’Itorero ry’Igihugu avuze ko iki kirori kitazaba na Dr Nzabonimpa Jaques ushinzwe Umuco muri RALC, nawe akavuga ko ibintu nk’ibi we ntacyo yabivugaho kuko yumva birenze guhonyora umuco ahubwo ko bigomba gukurikiranwa na Polisi kuko biri mu cyiciro cy’ibyaha by’urukozasoni.

PNG - 530.9 kb
Iyi foto niyo imaze iminsi icicikana ku mbuga nkoranyambaga hamamazwa iki gitaramo

@Umubavu.com





Tanga igitekerezo kuri iyi nkuru



Igitekerezo
Nkwaya John Kuya 9-11-2018

ariko ndumva ntakosa afite kuko ntiyagikoze.kandi ntawe yarikuzahatiriza kucyijyamo