Umuhanzi Kidum aremeza ko azi neza aho yariye uburozi mu Burundi

Umuhanzi w’Umurundi rurangiranwa mu Karere ka Afrika y’uburasirazuba ndetse no muri Afurika muri rusange, Jean Pierre Nimbona uzwi cyane ku izina rya Kidum, yabwiye BBC ko hari abashatse kumuroga mu Burundi.

Kidum yari mu Burundi aho mu mpera z’icyumweru gishize yari afite igitaramo cy’umuziki aririmbira abanyeshuri mu rwego rw’ishyirahamwe ry’ibihugu bikoresha ururimi rw’Igifaransa, Francophonie.

PNG - 397 kb
Jean Pierre Nimbona (Kidum) avuga ko azi aho yariye uburozi


Ku munsi wa mbere yari ategerejwe gusubira muri Kenya aho asanzwe aba kandi anategurira umuziki, ariko abashinzwe ikompanyi y’indege ya Kenya Airways bamusubiza inyuma kuko yari arembye.

PNG - 727 kb
Uyu ni umuhanzi Kidum mu bitaro i Bujumbura


Kidum avuga ko yahise asubira kwa muganga anahita yinjizwa ibitaro, akaba yaremereye BBC ko abaganga bemeje ko yatamiye amarozi.

Avuga kandi ko aho yaba yaraririye ayo marozi ahazi, ariko ko adashobora kuhavuga mu bitangazamakuru ngo ni igikorwa cy’abashinzwe umutekano.

Kidum yatangiye gutangaza ayo makuru ku munsi wa mbere abicishije ku rukuta rwe rwa Facebook, aho yanakomezaga atangaza uko amerewe mu bitaro I Bujumbura aho ari kugeza ubu.

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo