Umuhanzi Diamond yamaze kurekurwa by’agateganyo nyuma yo guhatwa ibibazo

Nyuma yuko atawe muri yombi kubera gusakaza amashusho y’urukozasoni ku mbuga nkoranyambaga, umuhanzi Diamond Platnumz kuri ubu yamaze gufungurwa by’agateganyo.

Diamond Platnumz watawe muri yombi kuri uyu wa mbere tariki ya 16 Mata akaba yarakozweho iperereza ndetse akanakorerwa Dosiye kuri uyu wa kabiri gusa akaba yaraye arekuwe byagateganyo akaba azakomeza gukurikiranwa ari hanze.

Aya makuru yemejwe n’umuvugizi wa Polisi muri Dar-es-Salaam, Lazaro Mambosasa ubwo yatangarizaga TBC ko Diamond akimara gufatwa yashyikirijwe Polisi agatangira gukorwaho iperereza bityo nyuma baza kumurekura by’agateganyo.

Lazaro Mambosasa yagize ati ” Yafashwe kugira ngo abazwe na polisi, yabajijwe iperereza nirirangira tuzamushyikiriza urukiko”.

PNG - 799.5 kb
Diamond yarekuwe nyuma yo guhatwa ibibazo na Polisi


Diamond Platnumz wagaragaye kuri uyu wa kabiri ari kumwe n’abunganizi be babiri ku cyicaro gikuru cya Polisi i Dar es Salaam aho televiziyo ya TBC yagerageje kuvugana n’uyu muhanzi ku byaha akurikiranyweho gusa akanga kugira icyo abitangazaho.

Mu bandi bikomwe n’abadepite ku kibazo cy’abasakaza amafoto n’amashusho yica umuco, hagarutsweho izina rya Zari n’abambari be, itsinda rya Shilole rimurwanirira mu gutukana ku mbuga nkoranyambaga, Wema Sepetu n’abamurwanirira, n’abandi.

PNG - 749.8 kb
Umuherwekazi Zari nawe ari ku rutonde rw’abashakishwa kubera kwiyambika ubusa
PNG - 830.2 kb
Umuhanzikazi Nandy nawe arashakishwa kubera gusakaza amafoto y’urukozasoni


Mu bahanzi bakurikiranyweho icyaha cyo gusakaza amashusho y’urukozasoni ku mbuga nkoranyambaga akaba atari Diamond Platnumz gusa dore ko n’umuhanzikazi witwa Nandy na we arashakishwa kubera amashusho yasohoye nyuma ya Diamond arimo akora ibihabanye n’umuco wa Tanzania we na mugenzi we Bill Nass.

PNG - 858.6 kb
Diamond ushinjwa gusakaza amashusho y’ubusambanyi yarekuwe by’agateganyo

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo