Umuhanzi Chameleone yagiriye inama abahanzi bagenzi be kujya bitwaza imihoro aho bagiye

Amaze kubona ko umuhanzi Mowzey Radio, waririmbaga mu Itsinda rya Goodlyfe akubitiwe mu kabari bikamuviramo gupfa, umuhanzi Dr Jose Chameleone yagiriye inama abahanzi bagenzi be bakomeje kugira amakenga kuzajya bitwaza imihoro mu modoka zabo kugira ngo bibe byabafasha kwirwanaho mu gihe bahuye n’umwanzi.

Ku wa Gatandatu tariki ya 3 Gashyantare 2018, ubwo bari mu muhango wo gushyingura Mowzey Radio, Dr Chameleone yahanuye bagenzi be abasaba kuzajya bagendana amakenga bita ku mutekano wabo, ko abanzi baba bashaka kubabuza ubuzima nabo baba barekereje.

PNG - 951.5 kb
Nyuma yo gusezera kuri Radio, Dr Chameleone yahanuye bagenzi be abasaba kuzajya bitwaza imihoro


Yagize ati “Ndagira inama abanzi kuzajya bagira amakenga n’ubwitonzi, niba ushaka kubaho, mugendane imihoro mu modoka zanyu kugirango mwirwaneho mu gihe muhuye n’abicanyi, abahanzi bapfa mu buryo butandukanye, ubuhanzi ni ingenzi ku bukungu bwa Uganda nk’ibindi bikorwa byose, abahanzi ni abantu b’ingirakamaro,…”.

Chameleone yakomeje asaba Guverinoma kuzajya ihiga abo bicanyi ndetse ikanarushaho kuzajya ikaza umutekano w’abahanzi.

Dr Chameleone ntabwo ari we wa mbere muri Uganda ugiriye abaturage kuzajya bagendana imihoro, ubwo Afande Kaweesi wari umuvugizi wa Polisi yicwaga n’agatsiko k’abagizi ba nabi, mu muhango wo kumushyingura, Perezida Museveni nawe yasabye ibyamamare kuzajya bigendana amakenga, bikagendana ibikoresho by’ubwirinzi birimo imihoro, impiri,…

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
nkezabera innocent Kuya 9-02-2018

Ntabwo muzi kwandika ururimi mwavukiyemo koko? aho kwandika ngo abahanzi mu kandika ngo abanzi. hhhh!!