UEFA Champions League: Liverpool izacakirana na Atletico Madrid muri 1/8

Ikipe ya Liverpool yo mu Bwongereza ifite igikombe cya UEFA Champions League giheruka yisanze muri 1/8 izacakirana na Atletico Madrid yo muri Espagne, umukino uzaba ari ishiraniro kimwe na Real Madrid ifite ibikombe 13 bya Champions League izisobanura na Manchester City itozwa na PEP Guardiola.

Uko aya makipe azahura muri 1/8 cya UEFA Champions League bimenyekanye ku gicamunsi cyo kuri uyu wa Mbere tariki ya 16 Ukuboza 2019, i Nylon mu Busuwisi habereye tombola y’iri rushanwa rihuza amakipe yabaye aya mbere iwayo ku mugabane w’i Burayi.

Ku bantu bamenyereye iby’imikino, ikipe ya Atletico Madrid na Liverpool ifite igikombe giheruka, ndetse n’iya Real Madrid ifite ibikombe 13 bya Champions League na Manchester City itozwa na PEP Guardiola ni imwe mu mikino ikomeye itegerejwe na benshi muri iki cyiciro cy’irushanwa rya UEFA Champions League.

Imikino ibanza izaba ku matariki ya 18, 19, 25 na 26 Gashyantare umwaka utaha , mu gihe imikino yo kwishyura izaba ku matariki ya 10, 11, 17 na 18 Werurwe 2020.

Liverpool yo mu Bwongereza ni yo yegukanye igikombe cy’umwaka wa 2018/2019 itsinze Tottenham ku mukino wa nyuma ibitego 2-0.

Umukino wa nyuma w’irushanwa ry’uyu mwaka wa 2019/2020 uzaba tariki ya 30 Gicurasi 2020, kuri Ataturk Olympic Stadium‎ iherereye muri Turkiya.


Liverpool ifite igikombe giheruka izesurana na Atletico Madrid


Guardiola wa Man. City azisobanura na Zidane wa Real Madrid

Uko amakipe azahura muri 1/8 nyuma ya Tombola:

• Borussia Dortmund (Germany) Vs Paris Saint-Germain (France)

• Real Madrid (Spain) Vs Manchester City (England)

• Atalanta (Italy) Vs Valencia (Spain)

• Atletico Madrid (Spain) Vs Liverpool (England)

• Chelsea (England) Vs Bayern Munich (Germany)

• Lyon (France) Vs Juventus (Italy)

• Tottenham (England) Vs RB Leipzig (Germany)

• Napoli (Italy) Vs Barcelona (Spain)

Miss Uwihirwe Yasipi Casimir n’umunyamakuru bahishuye icyatuma batabana:





Tanga igitekerezo kuri iyi nkuru



Igitekerezo