UEFA CL: Tombola ya ¼ isize Liverpool izisobanura na Manchester City

Kuri uyu wa Gatanu tariki ya 16 Werurwe 2018, i Nyon mu Busuwisi nibwo hari hategerejwe tombora y’uburyo amakipe azahura muri ¼ cya UEFA Champions League, ikaba isize amakipe yombi ahagarariye igihugu cy’u Bwongereza azahura mu gihe Real Madrid izahura na Juventus bahuriye ku mukino wa nyuma mu mwaka ushize.

Imikino ibanza ya ¼ cya UEFA Champions League izaba hagati tariki ya 3 n’iya 4 Mata, mu gihe imikino yo kwishyura izaba hagati ya tariki ya 10 n’iya 11 Mata 2018.

Uko amakipe atomboranye muri ¼ cya UEFA Champions League:

• Barcelona vs AS Roma

• Sevilla vs Bayern Munich

• Juventus vs Real Madrid

• Liverpool vs Manchester City

PNG - 585.5 kb
Aba ni abakinnyi bafatwa nk’abahetse amakipe yabo yamaze kugera muri ¼ cy’imikino y’amakipe yabaye aya mbere iwayo izwi nka UEFA Champions League dore ko ari nabo bategerejweho kugeza kure amakipe yabo

Kimwe na Champions League, murumuna w’iri rushanwa Europa League nayo yatomboye, dore uko amakipe zahura muri ¼:

RB Leipzig vs Marseille

Arsenal vs CSKA Moscow

Atletico Madrid vs Sporting Lisbon

Lazio vs Salzburg

Arsenal izajya mu Burusiya butari kumvikana n’u Bwongereza muri iyi minsi

Ntabwo umwuka ari mwiza hagati y’Abongereza n’Abarusiya muri iyi minsi nyuma yaho maneko y’umurusiya Sergei Skripal w’imyaka 66, n’umukobwa we Yulia Skripal w’imyaka 33, barembeye mu bitaro mu Bwongereza nyuma yo gutegwa uburozi bw’ubumara ku wa 4 Werurwe, 2018.

Kuwa Gatatu w’iki cyumweru, Minisitiri w’Intebe w’u Bwongereza, Theresa May, yatangaje ko iki gihugu cyirukanye abadipolomate 23 b’u Burusiya nyuma y’aho bwanze gutanga ibisobanuro ku irogwa ry’uyu wahoze ari intasi n’umukobwa we, barogewe mu gace ka Salisbury.

Ubwongereza bwamaze gusaba abaturage babwo kwirinda guhangana mu gihe bagiye mu Burusiya no kuba maso kuko hari igihe bashobora guhohoterwa bitewe n’umwaka mubi ari hagati y’ibihugu byombi.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
Ntakitutimana venant Kuya 16-03-2018

Zitomboranye neza finale ni Barcelona v mn city

Ntakitutimana venant Kuya 16-03-2018

Zitomboranye neza finale ni Barcelona v mn city