Sinzigera njyana Diamond mu nkiko ngo amfashe kurera abana-Zari The Boss Lady

Nyuma yuko ku munsi w’abakundana uzwi nka Saint Valentin umuherwekazi Zari Hassan (The Boss Lady) atunguye abantu agatangaza ko atandukanye burundu n’umuhanzi Diamond Platnumz ahanini amuziza ubushurashuzi bwe, kuri ubu yamaze gutangaza ko atazigera ajyana uyu muhanzi mu nkiko amusaba kumufasha kurera abana 2 babyaranye mu gihe bamaranye.

Learn how to Thrive

Zari utajya aripfana dore ko ngo anakunze kubwira abantu batandukanye ko batari mu rwego rwe abita ko baciriritse ashingiye ku mitungo yibitseho, atangaje ibi mu gihe uwari mukeba we akibana na Diamond, Hamissa Mobetto we atasibye kujyana Diamond mu nkiko amusaba indezo y’umwana babyaranye.

Kuri ubu Diamond na Zari baba ahantu hatandukanye dore ko bivugwa ko Zari yibereye muri Africa y’Epfo mu gihe Diamond we ari mu gihugu cye cya Tanzaniya.
Zari yeruye avuga ko nta na rimwe azigera abuza Diamond kuza kureba abana be ngo kimwe nuko atazababuza kujya gusura ise mu gihe bamushaka cyangwa nawe abakumbuye.

PNG - 824.3 kb
Aha Zari akibana na Diamond yari kumwe na nyirabukwe


Mu magambo ye aganira na BBC Zari yagize ati “ bariya ni abana ba Diamond rero nta mpamvu yo kubamubuza abifitiye uburenganzira. Kimwe na Ivan nawe ubwo twatandukanaga buri week-end yabonaga abana be. Sinshobora kuvuga ngo ntuzaza iwange. Avuze ko ashaka ko nohereza abana muri Tanzaniya sinabyanga, bagenda rwose. Nta kibazo hagati yange nawe. Abana baracyari abe”.

PNG - 881.4 kb
Zari yatandukanye na Diamond babyaranye abana 2 biyongera kuri 3 yabyaranye n’umugabo we wa mbere Ivan


Zari yavuze ko nta nkunga ya Diamond akeneye mu kurera abana bafitanye, bityo ngo nta mpamvu yo kuzumva ko yamujyanye mu nkiko ngo ashaka indezo y’abana kandi atabuze ibyo kubarera.

PNG - 720.3 kb
Zari yavuze ko nta kibazo afite mu kurera abana 2 yabyaranye na Diamond naho atagira icyo amufasha


Yakomeje agira ati “simfite byinshi ariko kandi dukeya mfite twamfasha kurera abana bange. Ndi mama wabo. Icyakora nabona ko ari ise wabo ku bushake bwe azabikora abiteho. Nafata umwanzuro wo kundeka, nta kibazo bizantera kandi ntibizambuza gukomeza kwita ku bana bange”.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo