Robertson wa Liverpool ati

Andy Robertson, myugariro wa Liverpool, yavuze ko mu mwaka utaha w’imikino iyi kipe izaba ikomeye kurushaho kandi Manchester City yabatwaye igikombe ubutaha igomba kwitegura guhangana kuruseho.

Ku cyumweru, Manchester City yegukanye igikombe irusha Liverpool inota rimwe gusa, mu guhangana gukomeye kwageze ku munsi wa nyuma ku nshuro ya munani mu mateka wa Shampiyona y’u Bwongereza izwi nka Premier League.

Liverpool yarangije uyu mwaka w’imikino ifite amanota 97, amanota ya mbere menshi agizwe n’ikipe ya kabiri muri Shampiyona iyo ari yo yose muri eshanu za mbere zikomeye zo ku mugabane w’u Burayi.

Robertson avuga ko batazasubira inyuma no mu myaka myinshi iri imbere. Yagize ati "Umwaka utaha tuzaba twisumbuyeho mu bunararibonye no gukomera".

"Turabizi ko na bo [Man City] batazasubira inyuma, ariko Man city nayo irabizi ko natwe tutazatezuka".

Robertson avuga ko yizeye ko nta mukinnyi uzabavamo akajya ahandi, bityo umwaka utaha bakazaba bakomeye cyane kurusha ubu.

Mugenzi we bakinana, myugariro Virgil van Dijk, avuga ko urwego no guhozaho bagaragaje uyu mwaka bazakomeza kubyubakiraho mu mwaka utaha w’imikino.

’Intambwe ya mbere gusa’

Ati "Dufite ubumwe mu ikipe yose. Dufatanyije cyane kandi n’abafana bacu batuba inyuma mu bihe bigoye no ku mikino ikomeye".

Nubwo uyu mwaka yatsinzwe umukino umwe gusa, ntibyabujije ko Liverpool ubu igikomeje gushakisha igikombe cya Shampiyona, iheruka gutwara mu myaka 29 ishize.

Amanota 97 Liverpool yasoje ifite uyu mwaka, ni aya gatatu menshi agizwe n’ikipe yo mu cyiciro cya mbere mu mateka y’umupira w’amaguru mu Bwongereza.

Nyuma y’umukino wa nyuma, batsinze ariko ntibabone igikombe kuko na mucyeba City nayo yatsinze, umutoza Jurgen Klopp wa Liverpool yavuze ko iyi ari intambwe ya mbere gusa ko mu myaka iri imbere andi makipe abitega.

Liverpool ubu itegereje umukino wa nyuma w’igikombe cy’amakipe yabaye aya mbere iwayo i Burayi, Champions League, uzayihuza na Tottenham ku itariki ya mbere y’ukwezi gutaha kwa gatandatu i Madrid muri Espanye ku kibuga cya Athletico Madrid, Wanda Metropolitano cyakira abantu basaga ibihumbi 68.

@Umubavu.com





Tanga igitekerezo kuri iyi nkuru



Igitekerezo
text Kuya 20-05-2019

text