Rayon Sports ishobora kuzakirwa nabi mu mukino wo kwishyura Mamelodi Sundowns

Nyuma y’ikibazo cy’ibura ry’umuriro cyagaragaye ubwo ikipe ya Mamelodi Sundowns yakoraga imyitozo yewe na nyuma y’umukino bakinnye, umutoza w’iyi kipe, Petso Mosimane yabwiye Rayon Sports anayicira amarenga ko kuba barabuze umuriro kuri Stade Amahoro bari mu myiteguro ya nyuma yo guhura nayo byabababaje ndetse bakagombye kuba baratekereje ko nabo bazerekeza muri Afurika y’Epfo.

Aya magambo y’uyu mutoza wa Mamelodi Sundowns niyo ashingirwaho havugwa ko ikipe ya Rayon Sports nayo ishobora kuzazimirizwaho amatara ubwo izaba yagiye muri Afurika y’Epfo mu mukino wo kwishyura utegerejwe mu minsi iri imbere.

PNG - 1014.2 kb
Ikipe ya Rayon Sports ishobora kuzakirwa nabi muri Afurika y’Epfo nkuko umutoza wa Mamelodi Sundowns yabiciyemo amarenga


Umutoza Petso Mosimane yanenze abayobozi kubera ibura rya hato na hato ry’umuriro ndetse avuga ko bitari bikwiye ku gihugu nk’u Rwanda gifite umutekano uhagije.

PNG - 819.7 kb
Umutoza wa Mamelodi Sundowns, Mosimane watangaje ko atishimiye ibura ry’umuriro bahuye naryo anaca amarenga ko bashobora kubyishyura Rayon Sports


Yagize ati “Kubura k’umuriro turi mu myiteguro byaratubabaje gusa abayobozi ba Rayon Sports bakagombye kuba baratekereje ko bazaza iwacu muri Afurika y’Epfo natwe tukabibakorera. Ntabwo twabyishimiye nubwo umukino wari mwiza.”

PNG - 732.1 kb
Ikipe ya Mamelodi Sundowns ntiyishimiye ibura ry’umuriro ubwo yakoraga imyitozo ya nyuma kuri Stade Amahoro


Muri uyu mukino wahuje Rayon Sports na Mamelodi Sundowns itarishimiye ibura ry’umuriro, warangiye amakipe yombi aguye miswi nyamara mu gihe abenshi bari bazi ko iyi kipe yo muri Afurika y’Epfo ishobora gutsinda Rayon Sports mu buryo bworoshye.

PNG - 912.3 kb
Umukino hagati y’amakipe yombi wari ishiraniro ariko birangira anganyije 0-0


Nyuma y’umukino nibwo umutoza wa Mamelodi Sundowns Mosimane yatangaje ko yatunguwe n’imikinire ya Rayon Sports bizanatuma bahura n’akazi katoroshye mu mukino wo kwishyura uzabera I Pretoria taliki ya 18 Werurwe 2018.

PNG - 874.9 kb
Ikipe ya Mamelodi Sundowns yari izi ko ishobora gutsinda Rayon Sports biyoroheye ariko isanga ari urutare

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo