Pistorius wamamaye mu mikino ya Olempike yavuye muri gereza nyuma y’imyaka 9

Oscar Pistorius, ukomoka muri Afurika y’Epfo wamamaye mu mikino ngororangingo y’abafite ubumuga, yarekuwe by’agateganyo nyuma yo guhamwa n’icyaha cyo kwica umukunzi we ku munsi wa Saint Valentin mu 2014.

Mu kwezi k’Ugushyingo 2023 nibwo uyu mukinnyi yahawe imbabazi zo gufungurwa atararangiza igihano cye kubera imyitwarire myiza yagize muri gereza nk’uko urwego rushinzwe igororero muri Afurika y’Epfo rubitangaza.

Abategetsi bemeje ko Pistorius ari iwe mu gitondo cyo kuri uyu wa gatanu, nyuma yo kumara igice c’umunyororo w’imyaka irenga 13 yari yakatiwe.

Nyina wa Steenkamp avuga ko yemeye iki cyemezo cyo kurekura uyu mugabo,ariko ko umuryango we ari wo uri “mu buroko bw’ubuzima bwose".

Pistorius, ubu afise imyaka 37, yarashe Steenkamp amasasu menshi mu 2013 acishije mu mwoboo w’icyumba cy’ubwogero.

Pistorius yarashe uyumukunzi we amurashe ku munsi w’abakundana mu mwaka wa 20213 mu rugo aho bari batuye i Pretoria.

Uyu mugabo yavuze ko yamurashe akeka ko ari ibisambo byamuteye mu nzu,gusa ubushinjacyaha bwo bwamushinje ko iki gikorwa yari yaragiteguye kuko banasanze imyenda y’umukunzi we ipakiye neza bikekwa ko yiteguraga gutandukana nawe.

Pistorius yarekuwe muri gereza gusa azakomeza gukurikiza amabwiriza atandukanye ajyanye n’imbabazi yahawe ndetse anagenzurwa n’urwego rushinzwe abagororwa kugeza mu mwaka wa 2029.

Aya mabwiriza arimo amasaha n’igihe atemerewe kuva iwe mu rugo, kutanywa inzoga,kutavugana n’itangazamakuru,agomba kwitabira ibiganiro byagenewe abantu bagira imyitwarire idasanzwe irimo uburakari bukabije ndetse n’ibindi byo kurwanya ihohoterwa rishingiye ku gitsina ndetse akanitabira n’ibikorwa bya gahunda rusange z’igihugu.

Azajya anahura kandi ku gihe cyagenwe gihoraho n’abashinzwe abagororwa, kumenyesha gahunda ze uru rwego ndetse n’izindi mpinduka yakwifuza zirimo nko guhindura aho atuye cyangwa gushaka akazi runaka.

Ntabwo yemerewe kandi kuva mu ntara atuyemo atabiherewe uburenganzira.
Aramutse arenze ku mabwiriza runaka mbere y’igihe cyateganyijwe, ashobora gusubizwa muri gereza akarangiza igihano cye.

Oscar Pistorius yari yarakatiwe gufungwa imyaka 13 n’amezi atanu mu 2017, gusa arekuwe amaze hafi imyaka 9 y’igifungo. Ubwo yireguraga yasabye imbabazi abamuzi bose, by’umwihariko umuryango w’umukunzi we Reeva Steenkamp.

Mu mategeko ya Afrika y’Epfo, abahamwe n’ibyaha bose bafite uburenganzira bwo kurekurwa igihano kitarangiye iyo bamaze kurangiza igice cy’igihano cyabo cyose.

Pistorius yacitse amaguru igice cyo hepfo ataruzuza umwaka. Yabayeho akoresha amaguru y’amaterano akaba yarabaye umukinnyi w’icyamamare.

Steenkamp yari afise imyaka 29 ubwo yicwaga.Yari yararangije amategeko muri kaminuza, ari n’umunyamideri.Yanakoze no kuri TV aho yamenyekanye mu kiganiro Tropika Island of Treasure cyerekeye ubuzima bw’abantu b’ibyamamare.

Steenkamp yari amaze amezi atatu akundanye na Pistorius ubwo yamurasaga amasasu ane akoresheje masotera (imbunda ntoya) acishije mu mwobo w’ubwogero mu nzu ye (Pistorius) i Pretoria mu gitondo cyo ku wa 14 Gashyantare 2013.

Oscar Pistorius yatwaye imidari 6 ya zahabu mu kwiruka mu mikino olimpike irimo n’iya London ya 2012.





Tanga igitekerezo kuri iyi nkuru



Igitekerezo