Nzaruhuka ari uko negukanye Zari-Umuhanzi Ringtone Apoko

Nyuma y’iminsi mikeya umuhanzi Ringtone Apoko ukomoka mu gihugu cya Kenya wamenyekanye mu ndirimbo zihimbaza Imana ahawe inkwenene n’abantu batari bakeya kubera umuturika w’imodoka yari yaguriye umuherwekazi Zari Hassan (The Boss Lady) yibwira ko arawushidukira agahita amwegukana nyamara ntamwereke n’irihumye, kuri ubu yatangaje ko akomeje umurego nta cyamuca intege mu gukomeza gukora hasi no hejuru ngo yegukane uyu mugore w’abana batanu.

Ikinyamakuru Chimplyf cyanditse iyi nkuru kiratangaza ko Ringtone Apoko akibitse imodoka yo mu bwoko bwa Range Rover Sport yari yaguriye Zari akabura uburyo ayimuha bityo akaba akomeje kureba icyakorwa cyose ariko akegukana uyu mugore uheruka gutandukana burundu n’umuhanzi Diamond babyaranye abana 2 biyongera kuri 3 yabyaranye n’umugabo we wa mbere Ivan Ssemwaga bamenyanye mu mwaka w’i 2000 witabye Imana ahora avuga ko ntawamusimbura.

PNG - 864.5 kb
Zari yatandukanye na Diamond babyaranye abana 2

PNG - 936.1 kb
Zari ntahwema kuvuga ko n’umugabo we wa mbere Ivan Ssemwaga bamenyanye mu mwaka w’i 2000 witabye Imana ntawamusimbura.


Ibi byose bije mu gihe Zari aherutse gutangaza ko uyu muhanzi ntaho amuzi uretse kumwumva ku mbuga nkoranyambaga gusa nk’abandi ko n’imodoka ye ntayo ashaka kuko yiguriye iye mu mafaranga ye dore ko nawe ari umugore wihagazeho mu gutunga agatubutse.

PNG - 1016.4 kb
Ringtone yategereje Zari ngo amuhe impano yamugeneye araheba
PNG - 806.5 kb
Zari yanze impano ya Ringtone avuga ko atamuzi ndetse ko yiguriye iye ihenze


Aganira n’ibinyamakuru bitandukanye byo muri Kenya, umuhanzi Ringtone Apoko yabitangarije ko nta kintu na kimwe cyamuca intege mu rugambo rwo gukomeza gushaka uburyo yakwegukana Zari.

PNG - 616.4 kb
Umuhanzi Ringtone uheruka no kuvuga ko amaze gutakaza akayabo kuri Zari atangaza ko atazacika intege kugeza amwegukanye


Yavuze ko abantu bacika intege vuba badatsinda ariyo mpamvu yiyemeje kutazacika intege mu gukomeza urugamba rwo kwegukana Zari atasibye kugaragaza ko amukunda dore ko yamuguriye imodoka hashize iminsi yerekanye n’ishyo ry’inka yari yiteguye kumukwa.

PNG - 841 kb
Bwa mbere Ringtone Apoko yari yatangaje ko yamaze kugura inka 42 azakwa Zari


Uyu musore akomeje gutangaza abantu bibaza amaherezo y’urugendo rwe rwo kwiruka ku muntu utanamuzi yewe utanamwitayeho na gato.

PNG - 819.3 kb
Nubwo ku ikubitiro umuhanzi Ringtone Apoko ariwe wagaragaje ko yifuza kurongora Zari, hari n’abandi bagabo benshi uyu muherwekazi yahogoje banamwifuza


Umuhanzi Ringtone Apoko aherutse kuba iciro ry’imigani ku mbuga nkoranyambaga kubera ifoto ye yari yifotoje ahagaze imbere y’imodoka yaguriye Zari aho yagiye yiganwa n’abantu batandukanye barimo n’abakoresheje ingorofani bakayihagarara imbere nkuko yabikoze.

PNG - 846.5 kb
Abantu benshi bagiye biganya Ringtone Apoko uburyo yari yamanjiriwe yahebye Zari



Icyakora nubwo Zari yanze impano y’umuhanzi Ringtone Apoko, yatangaje ko yakunze umuhate we ngo kuko kuba yaragaragaje ko amwifuza ari ibintu byakorwa na bakeya kwigirira ikizere ntuhishe ikikuri ku mutima.

PNG - 1008.9 kb
Nubwo yakwepye impano y’uyu musore, Zari yavuze ko yakunze umuhate we akagaragaza ko amukunda mu gihe hari ababipfana


Nubwo ku ikubitiro umuhanzi Ringtone Apoko ariwe wagaragaje ko yifuza kurongora Zari, hari n’abandi bagabo benshi uyu muherwekazi yahogoje banamwifuza ariko bo ntibabigaragaze bakabigumana mu mitima yabo.

PNG - 576.9 kb
Hari abagabo yewe n’abasore benshi usanga bakunda uyu muherwekazi Zari bakabura aho babicisha bigahera iyo mu mitima yabo dore ko nawe yihagazeho mu gutunga akayabo


Tubibutseko ibi byose byabaye ku muhanzi Ringtone ubwo ku wa kane taliki ya 10 Gicurasi Zari yari yagiye muri Kenya mu bikora bitandukanye byo kurwana indwara ya Kanseri by’umwihariko muri gahunda yari yiswe ‘Colour Purple Concert’ yari iteganyijwe kuba taliki ya 12 Gicurasi 2018.

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo