Nyuma yo gutandukana n’uwari umugabo we, Aline Gahongayire yishumbushije Umusore

Nyuma y’igihe kitari kirekire umuhanzikazi uririmba indirimbo zihimbaza Imana Aline Gahongayire atandukanye n’umugabo we, Gahima Gabriel mu buryo bwemewe n’amategeko, hashize iminsi hahwihwiswa amakuru avuga ko yaba yaramaze kwishumbusha umusore bivugwa ko akunze kugaragara aherekeje umuhanzikazi Knowless nubwo aya makuru ayahakana yivuye inyuma.

Aline Gahongayire yahakanye aya amakuru avuga ko yaba akundana n’umusore witwa Arstide Gahonzire usanzwe akoranira hafi n’inzu itunganya umuziki ya KINA Music

Mu bikorwa binyuranye bya muzika akaba agaragarana cyane ari kumwe n’abagize Kina Music, Gahongayire asigaye akoreramo ibikorwa bye bitandukanye.

Ibi byatangiye gucicikana ubwo uyu musore bavuga ko akundana na Gahongayire, yifurizwaga umunsi mwiza w’amavuko na Aline aho yanditse amagambo aherekeje ifoto yashyize kuri instagram ye amwifuriza isabukuru nziza.

Gahongayire yahakanye yivuye inyuma ibimuvugwaho, atangaza ko uyu musore ari incuti isanzwe bahuriye mu kazi, Aline Gahongayire akavuga ko ayo makuru Atari yo kuko uwo musore ari inshuti ye kandi bahuzwa n’akazi.

Yakomeje avuga ko yaba we afite umukunzi ndetse n’uyu musore bamushinja afite umukunzi we, ngo ahubwo aya makuru y’ibinyoma yakomeje gucicikana ngo yabateye ibibazo n’abakunzi babo.

Yemeje kandi ko abantu badakwiriye guha agaciro amakuru y’impuha atangazwa n’abantu badafite ubunyamwuga mu kazi bagamije gusebanya no guharabikana.

Aline Gahongayire aherutse guhabwa gatanya ya burundu n’umugabo bari barasezeranye nyuma bakaza gutandukana, ngo ubu akaba afite undi mukunzi mushya atifuza na rimwe gushyira mu itangazamakuru.

Ingingo ya 237 y’igitabo cya mbere cy’urwunge rw’amategeko mbonezamubano mu gace kayo ka kabiri ivuga ko buri wese mu bashyingiranywe ashobora gusaba gutana burundu.

Yabisaba kubera igihano k’icyaha gisebeje cyane, ubusambanyi, guhoza undi ku nkeke, kwanga gutanga ibitunga urugo, guta urugo igihe cy’amezi 12 nibura, no kumara nibura imyaka itatu batabana ku bushake bwabo.

PNG - 694.7 kb
Gahima Gabriel na Aline Gahongayire basezeranye kubana akaramata ku itariki ya 20 Ukuboza 2013.


Mu iburana ry’urubanza rwabo rwa gatanya, Aline Gahongayire yagaragaje ko yifuza gutana n’umugabo we anagaragaza ko afite inyota yo kuzongera gushaka undi mugabo kuko ngo abona akiri muto.

Urukiko rw’ibanze rwavuze ko Gahima Gabriel na Aline Gahongayire bari bamaze amezi 12 batabana nk’umugabo n’umugore, bityo bagomba guhabwa ubutane.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
-xxxx- Kuya 8-02-2018

ibyo Imana ntibyemera kuko iyo musezeranye muba muzatandukanywa n’urupfu.

Ukuri Kuya 8-02-2018

Uyu mugore ni indaya yujuje ibyangombwa. Ndebera iyo ndoro y’umukozi w’Imana ariko. Ni aho babuze! Natange ku bintu ibyurugo si ibye

Karahamisundi Kuya 8-02-2018

None se igituba atanga ko ari icye muramushakaho iki mureke akimuhate nibashimana bazabibatangariza