Nyina wa Diamond witukuje ashaka gusubira ibukumi akomeje gutangaza benshi

Nyina wa Diamond Platnumz uzwi ku mazina ya Sanura Sandra Kassim wo muri Tanzania, amaze iminsi agarukwaho mu bitangazamakuru bitandukanye kubera kwisiga mukorogo agamije kwihindura uruhu ngo asubire ibwana, ibintu byatunguye abantu benshi nyuma yo kumubona uburyo asigaye asa.

Nta gihe kinini gishize uyu mubyeyi wa Diamond asusurukije itangazamakuru yewe n’imbuga nkoranyambaga zitandukanye kubera gushakana n’umusore aruta benshi bagereranya nk’umwana na nyina, amafoto y’uyu mubyeyi yisize mukorogo, akaba arimo gucicikana ku mbuga nkoranyambaga yahinduye indoro no mu maso yabaye muto ugereranyije n’imyaka ye.

PNG - 820.4 kb
Aha uyu mubyeyi wa Diamond Sanura yari atarisiga amavuta atukuza
PNG - 985.2 kb
Iyi ni ifoto ya nyina wa Diamond nyuma yo kwitukuza ashaka gusubira ibwana


Ikinyamakuru Ghafla cyo muri Tanzania cyo gitangaza ko uyu mubyeyi arimo kurya ubuzima arisha ikiyiko kinini (Big spoon), arya ku ifaranga ry’umuhugu we, Diamond.
Nyamara nubwo ibi byose bivugwa, Diamond we yishimiye iyi foto ya nyina, arayifata ayishyira ku rukuta rwe rwa Instagram, ayishyiraho amagambo agira ati “Mama Nkunda cyane, Imana ihe umugisha ba mama bacu bose, ibahe ubuzima bw’igihe kirekire n’ibyishimo,…”.

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo