Nta gahunda mfite yo kurongorwa vuba aha-Hamisa Mobetto wabyaranye na Diamond

Umunyamideli Hamissa Mabetto yatangaje ko nta gahunda afite yo gushaka umugabo, ari yo mpamvu yemeye ko umuhanzi Diamond amutera inda kugira ngo yibonere umwana uzajya amuha umunezero mu gihe ari wenyine.

Hamisa Mabetto wamamaye nyuma yuko amakuru akwirakwijwe hanze ko yabyaranye na Diamond, yavuze ko kubyarana na Diamond bitabaye mu buryo
bw’impanuka ko ahubwo yari yarabanje kubitekerezaho neza akaza kubishyira mu bikorwa.

Aganira n’ikinyamakuru Bongo5, Hamisa Mabetto yabajijwe ku makuru amaze iminsi acicikana ko ariwe waba ugiye kurongorwa na Diamond, asubiza ko ayo makuru atayazi kuko ngo kuva na mbere nta gitekerezo yari afite cyo gushaka umugabo vuba kuko icyo yashakaga ari umwana magingo aya akaba yaramubonye.

PNG - 820.9 kb
Hamisa Mabetto ngo anyuzwe na Prince Abdul Naseebu yabyaranye na Diamond


Mu magambo ye Hamisa yagize ati “Mu by’ukuri nta gahunda mfite yo kurongorwa vuba aha, siniteguye na gato gushyingirwa ari nayo mpamvu yatumye nemera kubyarana na Diamond”.

PNG - 912.7 kb
Hamisa Mabetto yashimangiye ko adakeneye kurongorwa ashingiye ko umwana yashakaga yamubonye kuri Diamond


Umubano wa Hamisa Mabetto ndetse na Diamond wamenyekanye bwa mbere ubwo yamushyiraga mu mashusho y’indirimbo yise Salome aho nyuma byaje kuvugwa ko yamuteye inda bakabihakana nyamara bikarangira nyuma y’amezi macye abyariye uyu muhanzi umwana w’umuhungu bise Prince Abdul Naseebu.

PNG - 817.9 kb
Ubwo byavugwaga ko Hamisa Mabetto atwite inda ya Diamond bombi babiteraga utwatsi nyamara birangira inkuru ibaye impamo, ibintu byashegeshe Zari ku buryo bukomeye
PNG - 767.4 kb
Zari ntiyigeze acana uwaka na mukeba we by’umwihariko kuva abyaranye n’umugabo we
PNG - 765.8 kb
Zari yaje guhitamo gukuramo ake karenge ku wa 14 Gashyantare 2018 aharira Mobetto nubwo nawe yatangaje ko adakeneye kurongorwa

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo