Migi yiteguye gucecekesha abafana ba Rayon Sports kuri iki cyumweru

Akigera ku kibuga cy’indege Mpuzamahanga cya Kigali I Kanombe, Kapitene w’ikipe ya APR FC, Mugiraneza Jean Baptiste uzwi nka Migi yavuze ko biteguye neza umukino w’ikipe ya Rayon Sports uzabahuza kuri iki cyumweru tariki ya 25 Gashyantare 2018 nubwo ngo nawe yiteze ko bitazaba byoroshye ku mpande zombi.

Mu gicuku cyo kuri uyu wa Gatanu mu masaha akuze ya saa saba z’ijoro nibwo ikipe ya APR FC yageze I Kigali ivuye mu birwa bya Seychelles aho yari yagiye gukina umukino wa Caf Champions League wo kwishyura yatsinzemo ikipe ya Anse Réunion ibitego 2-1, mu gihe mu mukino ubanza wabereye I Kigali yari yanyagiye iyi kipe ibitego 4-0 byatumye ikomeza mu mu kindi cyiciro ku ntsinzi y’ibitego 6-1, izahura na AC Djoliba yo muri Mali.

PNG - 776.7 kb
APR FC yasesekaye i Kanombe mu rukerera

PNG - 1 Mb
APR FC ikomeje mu kiciri gikurikiraho ku bitego 6-1


Ikipe ya APR FC yageze I Kigali nyuma gato ya Rayon Sports yo yari yaje mu masaha ya saa kumi n’ebyiri ikakirwa na Minisitiri w’Umuco na Siporo, UWACU Julienne ndetse n’imbaga z’abafana benshi bari babukereye.

PNG - 897.7 kb
Rayon Sport yakiriwe bikomeye n’abafana
PNG - 1013 kb
Minisitiri w’Umuco na Siporo, UWACU Julienne nawe ari mu bakiriye Rayon Sports


Gusa bitandukanye na mukeba wabo APR FC yo yakiriwe n’abafana mbarwa. Gusa kuri Kapitene wa APR FC Migi ngo ibi ntacyo bibabwiye ngo biteguye neza umukino uzabahuza ku Cyumweru tariki ya 25/2/2018.

Akigera I Kanombe, Migi yaganiriye n’Abanyamakuru kuri uyu mukino, maze agira ati “Umukino dufite ku Cyumweru tuzi agaciro kawo ntabwo bizaba byoroshye Rayon Sports izaza idashaka gutsindwa kabiri kuko tumaze iminsi micyeya tuyitsinze ariko twariteguye neza, tumaze iminsi dukora imyitozo twitegura uyu mukino ariko uwiteguye neza niwe uzatsinda hagati yacu na Rayon Sports.”

Rayon Sports izakina uyu mukino idafite Shaban Hussein Tchabalala umaze iminsi ayitsindira ibitego, gusa na APR FC izakina idafite Bizimana Djihad ufite amakarita 3 y’umuhondo ndetse na Nshuti Dominique Savio.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
venus Kuya 24-02-2018

Andika Igitekerezo Hann

Mujye mushyireho INKURU gusa ariko amafoto muyareke kureba ifoto yanyu ninko kureba muri soudire nta runette zabigenewe

N.T Kuya 23-02-2018

Amafoto Y’uru Rubuga Aba Asongosoye Bigatuma Aba Deformees,nta Kuntu Byakosorwa?