Messi na Ronaldo bashobora gukinana mu ikipe imwe umwaka utaha

Mu gihe byaba bibaye impamo ibyamamare mu mupira w’amaguru ku isi birimo umutoza, Pep Guardiola utoza Manchester City na Kapiteni wa FC Barcelona, Lionel Messi bashobora guhurira mu ikipe ya Juventus yo mu Butaliyani mu mwaka w’imikino utaha, ibintu byatuma Messi na Ronaldo bakinana muri iyi kipe yo mu Butaliyani.

Ikinyamakuru The Sun kivuga ko ikipe ya Juventus ishaka kumena Banki ikazana Guardiola na Messi bakayifasha kubaka ubwami bukomeye mu mupira w’amaguru.

Juventus ntabwo ihangayikishijwe n’amafaranga yatanga kuri ibi byamamare kuko ngo icyo ishaka ari ukubaka ikipe itajegajega ya Messi na Ronaldo.

Ubuyobozi bwa Juventus ngo ntibwishimiye ukuntu umutoza Maurizio Sarri ari kwitwara muri iki gihe cyane ko aherutse gutsindwa na Hellas Verona mu buryo budasobanutse ibitego 2-1.

Guardiola wari umaze imyaka 2 ahesha Man City ibikombe bitandukanye, ngo ashobora kwerekeza mu Butaliyani akahatwarira ibikombe nkuko yabigenje no muri Barcelona na Bayern Munich.

Icyakora biravugwa ko kuza kw’aba bagore kuzatuma abakinnyi benshi birukanwa hagasigara bake barimo Miralem Pjanic, Paulo Dybala na Leonardo Bonucci bakina mu buryo Guardiola akunda.

Messi ntamerewe neza mu ikipe ya FC Barcelona ndetse ubushize yateranye amagambo n’ushinzwe siporo Eric Abidal mu gihe Guardiola we bizwi ko iyo ikipe atoza itangiye gutsindwa ahita ashaka ahandi yigira.


Ikipe ya Juventus ngo irajwe inshinga no kuzana Messi na Guardiola bakayifasha kwigarurira u Burayi muri ruhago


Messi na Ronaldo bashobora gukinana muri Juventus umwaka utaha

Irebere na Video utapfa gusanga ahandi: Uwumva ko azafashwa n’umututo w’imbunda ashyire agapira hasi, hagiye gupfa abantu batanu bakomeye kuri iyi si, n’ibindi byose Barafinda yavuze, ni muri iyi Video:





Tanga igitekerezo kuri iyi nkuru



Igitekerezo