Manchester United itsinzwe na West Bromwich Albion ihita ihesha Manchester City igikombe cya Shampiyona y’u Bwongereza

Kuri uyu mugoroba wo ku wa 15 Mata 2018, ikipe ya Manchester City yegukanye igikombe cya Shampiyona y’igihugu cy’u Bwongereza izwi nka ‘Premier League’ y’uyu mwaka w’imikino wa 2017-2018 nyuma y’aho Manchester United yari iyikurikiye itsinzwe na West Bromowich igitego kimwe ku busa (1-0).

Manchester City yarushaga Manchester United amanota 13 nyuma y’aho ku munsi w’ejo yatsinze Tottenham ibitego 3-1,yagombaga gutegereza ko Manchester United itsindwa kugira ngo itware igikombe none niko bigenze icyegukanye habura imikino 5 ngo shampiyona irangire.

PNG - 927.7 kb
Bidashidikanywaho De Bruyne yafashije Manchester City kwitwara neza muri Shampiyona y’uyu mwaka


Manchester City yitwaye neza muri Shampiyona y’uyu mwaka kuko imaze gutsindwa imikino 2 gusa ndetse yanganyije 3, nubwo hasigaye imikino 5, aho benshi mu bakurikirana imikino bemeza ko iyi kipe yari ikwiye iki gikombe kubera uko yitwaye uyu mwaka.

PNG - 1.1 Mb
Manchester United itsindiwe ku kibuga cyayo na West Bromo ya nyuma


Manchester United yari imbere y’abafana bayo, yatsinzwe igitego 1-0 na West Bromowich iri ku mwanya wa nyuma wa shampiyona,cyatsinzwe na Jay Rodriguez ku munota wa 73.

Iyi premier League Manchester City itwaye ni iya 3 yayo,kikaba igikombe cya 5 cya shampiyona mu mateka yayo itwaye.

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo