Kera kabaye Arsene Wenger yemeye kuva muri Arsenal nyuma y’imyaka 22 ayitoza

Nyuma y’imyaka 22 yose yari amaze ari umutoza mukuru w’ikipe ya Arsenal FC, umutoza w’Umufaransa Arsene Charles Wenger yatangaje ko urugendo rwe rwo gutoza iyi kipe azaruhagarika ubwo uyu mwaka w’imikino uraba urangiye.

Wenger wagiye muri iyi kipe avuye mu yitwa Nagoya Grampus yo mu Buyapani mu 1996, yasohoye itangazo asezera ku bafana, mbere y’umukino iyi kipe igomba guhuramo na West Ham FC kuri iki Cyumweru.

Yagize ati “Nyuma yo gusuzuma neza na nyuma y’ibiganiro nagiranye n’ikipe, ndumva ari igihe gikwiye kugira ngo nsezere nyuma y’uyu mwaka wa shampiyona.”

Wenger w’imyaka 68 yafashije iyi kipe gutwara ibikombe bitatu bya Shampiyona n’ibikombe birindwi bya FA. Uyu mugabo yanakoze amateka yo gutwara igikombe cya shampiyona ikipe ye idatsinzwe, mu 2004.

PNG - 858.3 kb
Arsene Charles Wenger yashyizeho agahigo ko gutwara igikombe cya Shampiyona ikipe ye idatsinzwe umukino n’umwe mu mwaka wa 2004.

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo
Rukundo Kuya 22-04-2018

Umusaza yabaye intwari rwose,ibyoyarafite yarabitanze,nubwo guterura igikombe bishimisha,afite byinshi yagejeje kwikipe.ahasigaye dutegerereze kumutoza uzamusimbura.

fidele castro Kuya 21-04-2018

bye muze warakoze