Filimi  ’Rafiki’ igaragaramo abakobwa b’abatinganyi yahawe gasopo muri Kenya

Filimi yagiye mu irushanwa rya Cannes Film Festival yihanijwe kwerekanwa mu gihugu cya Kenya bitewe nuko ivugwamo iby’abakundana bahuje igitsina.
Iyo sinema yiswe ‘Rafiki’, bisobanura "inshuti" ivugwamo urukundo hagati y’abakobwa babiri bakiri bato.

Ikigo kigenzura amafilimi ‘Kenya Film Classification Board’(KFCB), kivuga ko iyo filimi yaba igiye guha agaciro ingeso y’abakundana basangiye igitsina.

Ikigo KFCB cyaburiye umuntu uwo ariwe wese uzafatanwa iyo filimi ko azaba yahonyoye amategeko ya Kenya nkana mu gihe imibonano y’abahuza ibitsina babisangiye ihanishwa igifungo cy’imyaka 14 yose.
Travel for Free!
Aganira na BBC, umuyobozi w’iyi Filimi, Wanuri Kahiu yagize ati "Nari nizeye ko icyo kigo cyo kugenzura amasinema kizayishyira mu mafilimi arebwa n’abantu bujuje imyaka 18 y’amavuko cyane ko dutekereza ko Abanya-Kenya bafite ubwenge bubamenyesha ikibi n’ikiza".

Iyi filimi izerekanwa i Cannes mu kwezi gutaha ifitaniye isano n’iyitwa ‘Jambula Tree’ yabonye igihembo mu mwaka wa 2007, yanditswe n’Umugandekazi, Monica Arac Nyeko.

Ivugwamo abagenzi babiri, Kena na Ziki, bakundanye ariko imiryango yabo iri ku mpande zitandukanye mu bya Politike.

Kubuza kureba iyi filimi byaramaganywe n’ishyirahamwe rishyigikiye abakundana bahuje igitsina "National Gay and Lesbian Human Rights Commission" (NGLHRC), cyane cyane ku mbuga nkoranyamabaga.

PNG - 631.9 kb
Ikigo "Kenya Film Classification Board" kivuga ko uzafatanwa iyi filimi azaba yarenze amategeko

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo
Bugas Kuya 28-04-2018

Ariko wamugani barikuyereka ikazarebwa nabafite imyaka 18 kuzamura