Diamond yahumurije nyina amubwira ko uyu mwaka utarashira atishumbushije indi nkumi

Nta gihe kinini gishize uwari umugore we Zari Hassan amubwiye ko batandukanye, umuhanzi Diamond Platnumz ukomoka muri Tanzania, yahumurije nyina amubwira ko Imana nimushoboza uyu mwaka wa 2018 utazarangira atarongoye.

Ibi Diamond yabitangarije nyina ku munsi mpuzamahanga w’abagore wabaye kuri uyu wa kane tariki ya 8 Werurwe 2018 ubwo yifurizaga nyina uyu munsi mwiza. Diamond yashimiye kandi nyina wamubyaye akamurera ubu akaba amaze kuba umugabo, anaboneraho kumubwira ko ashobora kurongora.

PNG - 693.5 kb
Ku munsi mpuzamahanga w’abagore Diamond yashimiye nyina wamubyaye ubu nawe akaba ari umugabo


Diamond yagize ati “mwifurije umunsi mwiza w’abagore n’abandi bose batuye isi, ndagushimira kuba warambyaye ukanandera ubu nkaba narakuze,…”.

Uyu mugabo yakomeje yihanganisha nyina, mu buzima avuga ko bwaba bukomeye yaciyemo agerageza gushakisha uko yamurera agakura, ndetse anamusaba imbabazi ku bw’ibitutsi cy’angwa amagambo mabi yaba yarabwiwe kubera we[Diamond].

Yaboneyeho kumubwira ati “Imana Imfashije, uyu mwaka wajya kurangira nkoze ubukwe buzakubera ubw’ibyishimo kandi bizakomeza mu buzima bwawe bwose, ndagukunda cyane mama”.

PNG - 640.6 kb
Diamond yahumurije nyina ko uyu mwaka udashira atishumbushije indi nkumi


Diamond agaragaje ko ashaka kurongora, nyuma y’iminsi mike atandukanye n’umugore we, Zari Hassan babyaranye abana babiri, umuhungu n’umukobwa.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo