Diamond ashobora kwisanga mu mazi abira

Nyuma y’igihe gitoya umukobwa wo mu gihugu cya Afurika y’Epfo avuze ko yatewe inda na Diamond, kuri ubu hongeye kugaragara undi mukobwa witwa Glady wo mu gihugu cya Kenya uvuga ko yatewe inda na Diamond bamenyanye mu mwaka wa 2011. Bivuze ko mu gihe iyi nkuru yaba ibaye impamo uyu muhanzi ashobora kwisanga mu mazi abira.

Uyu muhanzi w’icyamamare wo muri Tanzaniya, Diamond Platnumz usanzwe uvugwaho ingeso yo gukunda kubyarana n’abakobwa batandukanye, aheruka kubyarana n’umunyamideli Mobeto, nyuma yuko kuri ubu hongeye kuvugwa undi mugore w’Umunyakenyakazi uvuga ko ahetse umwana we w’amezi 7.

PNG - 369.4 kb
Glady uvuga ko nawe yatewe inda na Diamond


Uyu mugore w’imyaka 37 y’amavuko wamenyekanye ku mazina ya Gladys, avuga ko Diamond yameteye inda yakoreye igitaramo I Eldoret muri Kenya.

Mu minsi ishize Zari, umugore w’umuherwe wa Diamond aherutse kwandika ku mbuga nkoranyambaga za facebook ati “ Abagore bose ni bamwe. Kuki ureka umugore wawe ukajya gushaka undi”?
Ibi abantu bakomeje kubihuza n’ibiri gutangazwa na Gladys uvuga guterwa inda n’umuhanzi Diamond.
Amakuru aturuka muri Kenya, Nairobi, avuga ko uwo mugore utari Mobeto arimo kuvuga ko Diamond yamuteye inda.

Gladys avuga ko yahuye na Diamond mu mwaka wa 2011 ubwo uyu muhanzi yakoreraga igitaramo mu Mujyi wa Eldoret muri Kenya. Avuga ko bahuye bakagirana ibihe byiza birimo no kuganira byimbitse kandi ko ibyo biganiro byanakomeje ku mbuga nkoranyambaga. Ngo nyuma byaje gukomeza kugeza igihe amutereye inda.

Uyu mugore akomeza avuga ko urukundo rwabo rwajemo agatotsi igihe yamubwiraga ko yamuteye inda. Ati” Ntiyigeze yishimira iyo nkuru ko yanteye inda”.

Ibi bije nyuma y’iminsi Zari n’umugabo we Diamond bacana utaka kubera umwana Diamond yabyaranye na Mobeto. Aya makuru yo gutera inda Mobeto Diamond yakomeje kuyahakana ariko nyuma y’ibimenyetso umukobwa yerekanye, Diamond yaje kwemera anagaragaza ko atabyicuza.

PNG - 965.6 kb
Mobeto nawe wabyaranye na Diamond
PNG - 1.1 Mb
Diamond abana na Zari kuva mu mwaka wa 2014


Muri Nzeri ubwo amakuru ya Diamond yo gutera inda Mobeto yari ashyushye, Zari yanditse ku mbuga nkoranyambaga ko ayo makuru atayazi na mba.

Ibi byaje kwemezwa na Diamond ubwe mu kiganiro n’itangazamakuru akanavuga ko bitanashoboka, gusa byaje kwemezwa n’umugabo we.

Icyo gihe asubiza Mobeto wavugaga ko Diamond yamuteye inda, Zari yagize ati “ Urimo kwikinisha…ibyo ni ibinyoma urimo guhimba kandi ndakuzi. Genda ukemure ibibazo byawe nabyo bitari bike ureke kugenda ubeshya. Kuba narakomeje kureka kugusubiza ntibivuze ko ndi igicucu. Witondere amagambo yawe”.

Diamond mu kiganiro na BBC yavuze ko aticuza kubyarana na Mobeto.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo