Bishop Rugagi Na Rev. Kayumba ntibahuza umukobwa beretswe uzambara ikamba rya Miss2018

Irushanwa rya Miss Rwanda rigamije gushaka umukobwa uhiga abandi mu bwiza, ubwenge n’umuco bityo akambikwa ikamba rya Nyampinga w’u Rwanda 2018. Kuri iyi nshuro yaryo, iri rushanwa ryazanye udushya tutari tumenyerewe dore ko ryahagurukije na bamwe mu bakozi b’Imana. Bishop Rugagi Innocent yasize amavuta umwe mu bakobwa bari muri iri rushanwa anamwizeza kuzegukana ikamba mu gihe Rev Kayumba Fraterne nawe aza ahamya ko yeretswe mu nzozi umukobwa uzatwara ikamba rya Miss Rwanda 2018. Ibi byasize abantu mu rujijo hibazwa umukobwa uzegukana ikamba ry’uyu mwaka dore ko Rugagi na Kayumba badahuza uwo beretswe.

Mu gihe habura iminsi mike ngo hamenyekane ukwiye ikamba rya Miss Rwanda 2018, ibikomeje kuvuga ni byinshi, nyuma y’abavuga ko bahitamo gushora imitungo yabo muri iri rushanwa ikabafasha kugera kure hashoboka yewe bakaba banaryegukana, utibagiwe n’ababikesha imiryango ikomeye nk’uko byakunze kugarukwaho nyamara Bishop Rugagi Innocent na Rev Kayumba Fraterne bo si ko babibona, bavumbuye utanga intsinzi nyayo y’iteka bamutura abakobwa babibikwiye bagaragara muri aba 20 bari mu mwiherero i Nyamata.

PNG - 830.7 kb
Bishop Rugagi Innocent umuyobozi wa Redeemed Gospel Church(Abacunguwe).
PNG - 716.2 kb
Rev. Kayumba Fraterne umuyobozi wa Jehovan Tsdikenu ministries(Uwiteka gukiranuka kwacu)


Bishop Rugagi Innocent umaze kumenyerwa cyane nk’umukozi w’Imana uvuga ibintu bikaba ndetse ukora ibitangaza bigakoreka hamwe n’itorero rye ry’Abacunguwe (Redeemed Gospel Church), mu materaniro yabaye mbere y’uko ba bakobwa 20 berekeza muri Boot Cammp, yazamuye ibigangaza bye abiramburira k’umukobwa witwa Umunyana Shanitah umwe mubakobwa bari mu irushanwa rya Miss Rwanda 2018 uri kwiyamamariza kuri nomero (1).

Mbere y’uko abwiriza yavuze ko afite ibyishimo bikomeye mu mutima maze atangaza ku mugaragaro ko uyu mukobwa ari we Miss Rwanda 2018, amugereranya kandi n’igihe cy’isohora rya Esitera, ati: “Atoranywa mu bandi”.

PNG - 911.7 kb
Bishop Rugagi ati Uzoranwa mu bandi Umunyana Shanitah ube Miss Rwanda 2018 anamushyira mu biganza by’Imana.


Yavuze ko uyu mukobwa yamusanze mu biro umusaba kumusengera kuko afite umushinga ukomeye, hanyuma amusiga amavuta, arongera kandi aragaruka amusiga amavuta. Ati: “amaze kubacaho kenshi kandi mu by’umweru bibiri agiye kumara muri boot camp agiye kubacaho kurushaho”.

Yasabye kandi abacunguwe bose gushyigikira Umunyana Shanitah nomero ya mbere. Hanyuma amufata ikiganza amushyira imbere y’Uwiteka kandi aramukomeza amwizeza ko intsinzi y’Abacunguye. Ati intsinzi ya Shanitah si iye gusa ahubwo ni iy’Itorero Abacunguwe bose. Amahirwe masa kuri Umunyana Shanitah nomero imwe mu irushanwa rya Miss Rwanda 2018.

Si Rugagi kandi wakoresheje uyu muvuno w’amasengesho n’ubuhanuzi ahubwo na Rev Kayumba Fraterne wabwirije ubutumwa bwiza Miss Rwanda 2009 Bahati Grace akakira agakiza, hari amakuru avuga ko afite ubutumwa Imana yamuhaye bugenewe umwe mu bakobwa 20 bahatanira ikamba rya Miss Rwanda 2018.

Mu kiganiro Rev. Kayumba yagiranye n’itangazamakuru yabajijwe niba koko yareretswe n’Imana mu nzozi umukobwa uzaba Miss Rwanda 2018, asubiza ko hari ubutumwa yahawe, gusa ngo ntiyabutangaza ku karubanda (mu itangazamakuru) ahubwo ngo agomba kububushykiriza nyirabwo Imana yamutumyeho. Yongeyeho kandi ko iyo Imana imuhaye ubutumwa nta wundi muntu aba agomba kububwira usibye nyirubwite.

Nubwo uyu mukozi w’Imana yirinze gutangaza byinshi ku butumwa bwe, yavuze ko hari umukobwa ashyigikiye muri iri rushanwa rya Miss Rwanda 2018 ashingiye ku mico ye n’ubuhamya bwe. Uwo akaba ari Ishimwe Noriella. Rev. Kayumba yongeyeho ko Ishimwe Noriella ari umukobwa w’igikundiro, ufite ubuhamya bwiza ndetse akaba afite n’imico myiza, akaba yahishuye ko kandi ari kumusengera bikomeye kandi afite icyizere ko ari we uzegukana ikamba Rya Miss Rwanda 2018.

PNG - 621.1 kb
Ishimwe Noriella yemejwe na Rev. Kayumba Fraterne yo yamweretswe akazaba Miss Rwanda 2018


Ku ruhande rwa banyirubwite yaba Umunyana Shanitah nomero 1 ushyigikiwe na Bishop Rugagi ahamya ko anezerejwe nuko uyu mukozi w’Imana amuzirikana kandi akamushyira mu biganza by’Imana, kandi ngo afite ikizere ko azegukana iri kamba.

Naho Ishimwe Noriella unaherutse gutangaza ko afite inzozi zo kuzaba Minisitiri w’Umuco na Siporo, akaba ashyigikiwe na Rev. Kayumba nubwo yanze gutangaza iby’ubutumwa yahawe yavuze ko yabushyikiriye, ngo kandi nubwo batarahura n’uyu mukozi w’Imana ariko ngo yamubwiye ko arimo kumusengera kugira ngo azitware neza mu irushanwa kandi na we yifitiye icyizere.

kuri ubu abantu benshi bategereje n’amatsiko menshi kuzamenya amaherezo y’ubu buhanuzi bw’aba bakozi b’Imana dore ko igitangaje ari uko bombi basahuriza ku mukobwa umwe bituma abantu bibaza niba iri kamba rizambikwa abakobwa babiri. Abandi bo bavuga ko mu by’ukuri niba kwerekwa kwabo ari ukuri, bakagombye kugira uwo bahurizaho gusa umuntu akaba yavuga ngo reka dutegereze amaherezo dore ko bidatinze ku wa 27 Gashyantare 2018 hazarara hamenyekanye uwambitswe ikamba rya Nyampinga w’u Rwanda 2018.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
-xxxx- Kuya 14-02-2018

yewe ni akumiro koko.Imana ntishishikazwa na ba miss kuko biriya bigaragaza umwuka WO kurushanwa no kwishyira hejuru.aba biyita abakozi b’Imana baba bahanura ibinyoma kdi aba bakobwa bombi ntanumwe uzatsinda.

Joy Kuya 7-02-2018

Arabikwiye kbx

Joy Kuya 7-02-2018

Arabikwiye kbx

Murindwa Janvier Kuya 7-02-2018

Andika Igitekerezo HannoAha niho ruzi giye kabisa.Reka urebe ngo abakozi b’Imana baravuguruzanya.ESE ubu baramutse Bose ntawe utoranyijwemo by agenda gute?Twahita dutakariza ikizere aba ba bishop.Ariko n’ubundi ni hahandi ntibanahurije kuri umwe mureke dutegereje.Ese ariko ubundi mbaze,Ana bashumba bari bakwiriye guta umwanya kuri ibi bya ba Miss?Bakoze umurimo Bahamgariwe ibya ba miss bakabiharira benebyo,!Erega Muminsi iri imbere turumva bari gusengera uzatwara gumaguma!!Aka ni akumiro!!!!