Barcelona izaba ikipe ikomeye ku isi idafite Neymar- Lionel Messi

Nyuma yaho Neymar Jr Santos yerekeje mu ikipe ya Paris Saint Germain (PSG) mu mwaka ushize bitari byitezwe ko byashoboka, umunya-Argentine Lionel Messi ukinira ikipe ya FC Barcelona yo mu gihugu cya Espagne yatangaje ko iyi kipe ye akinira nta kizayibuza kuba iya mbere ikomeye ku rwego rw’’isi idafite Neymar.

Lionel Messi avuga ko abona igenda rya Neymar ntacyo rizahungabanya ku ikipe ye ya Bacelona ashingiye ko abona ikomeje kwitwara neza idafite uyu musore w’umunya-Bresil bityo agashingira kuri ibi avuga ko igenda rya mugenzi wabo nta na gito rizahungabanya ku ikipe cyatuma itaza ku mwanya wa mbere ku isi nk’ikipe nziza kandi ikomeye kurusha izindi.

Neymar yerekeje mu ikipe ya PSG mu mwaka ushize akoze amateka yo kuba ari we mu mateka ya ruhago uguzwe amafaranga menshi dore ko yaguzwe akayabo ka Miliyoni 198 z’amapound ataragurwa undi mukinnyi uwo ari we wese kuri iyi si ya Rurema.

Nyuma yuko Neymar agiye muri PSG abantu batandukanye ntibakunze kuvuga rumwe kuri iri gurishwa rye bavuga ko ikipe ya Barcelona yagombaga gutanga ibishoboka byose ntabacike nyamara hakirengagizwa ko uyu musore nawe ubwe yari yamaze kwemezwa ko ntacyo yageraho agikinana na Messi.

PNG - 402.2 kb
Neymar agikinira FC Barcelona


Nyuma y’igihe kitari kirekire uyu musore agiy, Lionel Messi nibwo atangaje ko abona Barcelona nta cyayibuza kuba ikipe ya mbere ikomeye ku isi idafite Neymar.

Messi mu magambo ye ati “tudafite Neymar tumeze neza. Kugenda kwe kwatumye hari byinshi duhindura mu mikinire yacu. Byatumye imbaraga zacu nyinshi tuzishyira mu myanya y’inyuma kurusha iy’imbere kandi tukanatsinda”.

PNG - 960.2 kb
Messi ukora ibishoboka byose ngo Barcelona ye itsinde
PNG - 648.7 kb
Uyu ni Neymar nyuma yo kugera muri PSG


Kuva atangiye gukinira PSG, Neymar amaze gutsina ibitego 17 mu mikino 16 amaze gukina. Yasibye imikino igera kuri 6. Ikipe ye ya PSG akinira ihagaze ku mwanya wa mbere muri shampiyona y’u Bufaransa n’amanota 59 aho ikurikiwe na Lyon ifite 48.

Barcelona Neymar yavuyemo nayo iyoboye urutonde rw’agateganyo rwa shampiyona y’igihugu cya Espagne n’amanota 57 abenshi batanatinya kuvuga ko nta cyayibuza kwegukana igikombe, mu gihe ikurikiwe na Atletico Madrid ifite amanita 46 naho mukeba wayo Real Madrid ikaba ibarizwa ku mwanya wa 4 n’amanota 38. Messi yatangaje ibi byose agendeye aho ikipe ya Barcelona igeze kandi itabikesha Neymar.

Uretse igikombe cya shampiyona Barcelona ihabwa amahirwe yo kwegukana, iracyari muri UEFA Champions League ndetse n’igikombe cy’umwami (Copa Del Rey) mukeba Real Madrid yamaze gusezererwamo. Real Madrid isigariye gusa mu mikino ya UEFA Champions League nayo itazayorohera dore ko iri kumwe n’ikipe ya PSG nayo ifite inyota yo gutwara iki gikombe ishingiye ko yatakaje akayabo mu kugura abakinnyi bakomeye.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
NGABO Jule Kuya 2-02-2018

Barcelona turayishigikiye.

NGABO Jule Kuya 2-02-2018

Barcelona turayishigikiye.