Barcelona igiye kwesurana na Mamelodi Sundowns iheruka gusezerera Rayon Sports muri CAF Champions League

Ikipe ya FC Barcelona iyobowe n’umukinnyi ufatwa na benshi nk’uwa mbere ku Isi, Lionel Messi yamaze gusesekara mu mujyi wa Johannesburg muri Afurika y’Epfo mu guhanganira igikombe cy’isabukuru y’imyaka 100 ya Mandela na Mamelodi Sundowns iheruka gusezereye Rayon Sports mu marushanwa ya CAF Champions League uyu mwaka.

Kuri uyu wa Gatatu mu masaha ya mu gitondo ikipe ya FC Barcelona yamaze kwegukana igikombe cya Shampiyona muri Espagne uyu mwaka nubwo, yageze i Johannesburg aho igomba gukina na Mamelodi Sundowns kuri uyu mugoroba mu mukino w’irushanwa ryiswe ‘The Nelson Mandela Centenary Cup’.

Mamelodi Sundowns yibukwa n’Abanyarwanda cyane kuko ariyo yasezereye Rayon Sports mu marushanwa ya CAF Champions League uyu mwaka.

Iyi kipe yatoranyijwe guhura na Messi na bagenzi be kubera ko ariyo yegukanye igikombe cya shampiyona uyu mwaka.

Biteganyijwe ko umukino ubera muri FNB Stadium yakiriye umukino wa nyuma w’igikombe cy’Isi cya 2010, cyegukanywe na Espagne yarimo abakinnyi ba FC Barcelona nka Gerard Piqué ugiye kongera kuyikiniraho na Andrés Iniesta wasigaye kubera impamvu ze bwite.

Si ubwa mbere iyi kipe itumiwe, yanakiniye muri Afurika y’Epfo mu 2007 na Mamelodi Sundowns iyitsinda ibitego 2-1 mu mukino wa gicuti.

Mandela ufatwa nk’intwari ya Afurika kubera uruhare rwe mu kurwanya akarengane ndetse akaba yaranabaye Perezida wa Afurika y’Epfo, yitabye Imana mu Kuboza 2013, akaba yari kuzuza imyaka 100 muri Nyakanga uyu mwaka.

PNG - 775.8 kb
Messi na bagenzi be bagiye guhangana na Mamelodi Sundowns iheruka gusezereye Rayon Sports mu marushanwa ya CAF Champions League uyu mwaka.

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo
-xxxx- Kuya 18-05-2018

Byiza cyane