Ange Kagame n’umugabo we bakoreye ukwa buki muri Pariki ya Nyungwe-Amafoto

UMUBAVU.com Umubavu.com Kuya 22-07-2019 saa 08:14'

Ange Ingabire Kagame, ubuheta bwa Perezida Kagame na Madamu we Jeannette Kagame yasezeranye imbere y’Imana kubana akaramata n’umukunzi we yihebeye, Ndengeyingoma Bertrand ku wa 06 Nyakanga 2019 mu muhango wabereye ku Kimihurura muri IFAK wayobowe na Musenyeri wa Diyosezi ya Kigali Kambanda Antoine.

Ni ibirori byitabiriwe na Nyakubahwa Perezida wa Repubulika Paul Kagame na Madamu we n’inshuti z’umuryango wa Ange KAGAME birumvikana n’abo ku ruhande rw’umukunzi we.

Musenyeri Kambanda Antoine wayoboye uwo muhango wo gusezeranya Ange Kagame na Bertrand, mbere akaba yarabahaye impanuro zitandukanye aho yanabahaye impano ya Bibiliya nk’inkingi bazubakiraho mu buzima bwabo.

Nyuma y’uwo muhango, hakurikiyeho kwiyakira aho abatumirwa bose berekeje i Rusororo mu Intare Conference Arena ahagana saa munani z’igicamunsi.

Nyuma y’umuhango wabereye i Rusororo habaye umugoroba w’umusangiro, wabereye muri Kigali Convention Centre, ukurikirwa n’ibirori byo kwishimira urugo rushya rw’abageni no gusabana nabyo byabereye mu cyumba cya KCC.

Nk’ibisanzwe henshi ku isi abamaze kurushinga, bahitamo ahantu heza hababereye bakahajya mu kwishimira urugendo rushya rw’ubuzima baba batangiye, ibihe abenshi bakunze kwita ’Ukwezi kwa Buki’.

Nyuma yo kurushinga bamaze kuba umwe imbere y’Imana ndetse n’amategeko, Ange Kagame na Bertrand na bo bafashe ukwezi ko kwishimira ko ubukwe bwabo bwagenze neza ndetse banaboneraho kuruhuka mu mutwe batekereza ku rugo rwabo rushya.

Uku kwezi kwa Buki ’Honeymoon’ bahisemo kugukorera muri Pariki ya Nyungwe nkuko Ange Kagame yabigaragaje akoresheje Twitter ye.

Twabibutsa ko iyi Pariki y’igihugu ya Nyungwe uyu muryango mushya wa Ndengeyingoma na Ange Kagame bahisemo kumviramo ukwa buki, ari igice gikomeye kirimo umutungo kamere w’ubwoko bw’ibimera butandukanye ndetse n’amoko arenga 250 y’inyoni zinogeye amaso.

Mu mpera za Ukuboza 2018, nibwo Ange Kagame yasabwe na Bertrand Ndengeyingoma mu birori byabereye mu rugo rwa Perezida Kagame mu karere la Rwamagana mu murenge wa Muhazi.

Ubwo Ange Kagame yasabwaga