Abahanzi 10 bazitabira Primus Guma Guma Super Star ya 8 bamenyekanye

Kuri uyu wa Gatatu tariki ya 14 Werurwe 2018, ku kicaro cya Bralirwa nk’umuterankunga mukuru w’irushanwa rya Primus Guma Guma Super Star, hamaze gutangarizwa abahanzi 10 bazahatanira iri rushanwa rigiye kuba ku nshuro yaryo ya munani nkuko batowe n’Abanyamakuru bakora ibijyanye n’imyidagaduro ndetse n’aba-DJ.

Primus Guma Guma Super Star ni ryo rushanwa rukumbi rikomeye mu Rwanda, rihuriza hamwe abahanzi bakomeye baba batoranyijwe ku rwego rw’igihugu ndetse bagahabwa umwanya wo kuzenguruka igihugu cyose biyereka abafana.

Itora ry’abahanzi bitabiriye irigiye kuba ku nshuro ya munani ryakozwe biciye mu bitangazamakuru aho buri kimwe cyahisemo abahanzi mu byiciro bitanu birimo abaririmba Hip Hop, RnB, Afrobeat, abaririmba mu matsinda ndetse n’icyiciro cy’abagore.

Amaburuwa yashyikirijwe Bralirwa ku gicamunsi cyo kuri uyu wa Gatatu, amajwi ahita anatangazwa ku mugaragaro. Mu batowe, nta muhanzi witabiriye iri rushanwa inshuro eshatu zikurikiranya ugaragaramo ndetse uko ari icumi bakoze nibura indirimbo eshatu hagati ya 2016-2018; muri zo ebyiri zifite amashusho.

Abahanzi mu njyana ya Hip Hop, Khalfan na Jay C bagaragaye muri iri rushanwa ku nshuro yabo ya mbere; Just Family nayo yongera kurigaragaramo nyuma yo kwisunganya dore ko bari bamwe mu baryitabiriye ubwo ryabaga ku nshuro ya kabiri.

Urutonde rw’abahanzi 10 bagiye kwitabira PGGSS8.

Hip Hop

Khalfan

Jay C

RnB

Bruce Melody

Christopher

Afrobeat

Uncle Austin

Mico The Best

Itsinda

Active

Just Family

Ab’igitsina gore

Queen Cha

Young Grace

JPEG - 29.2 kb
Urutonde rw’abahanzi 10 bagiye kwitabira PGGSS8 nkuko batowe

Primus Guma Guma Super Star imaze imyaka irindwi ibera mu Rwanda kuva muri 2011. Bwa mbere yatwawe na Tom Close, King James (2012), Riderman (2013), Jay Polly (2014), Knowless (2015), Urban Boyz(2016) ndetse na Dream Boyz iheruka kuritwara muri 2017.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
MUKUNDWA BOB Kuya 14-04-2018

ABO NABO NABASAZA BAZABIKORA P KD AMAHIRWE MASA KURI BOSE