Rurangiranwa muri Filimi Arnold Schwarzenegger yamennye amabanga

Umukinnyi wa Filimi wamenyekanye ku izina rya Komando, ubusanzwe witwa Arnold Schwarzenegger yahishuye ko nta gihe yigeze akunda Politiki na rimwe.

Uyu mugabo wamamaye cyane mu gukina amafirimi, yanabaye Guverineri wa Leta ya California akaba akomoka mu ishyaka ry’Abarepubulikani.

Mu kiganiro Graham Norton Show gica kuri BBC One, Schwarzenegger yavuze ko "Politiki itambamira gahunda nziza".

Avuga ko ubu mu kurengera isi, ari guha inkunga ye umwana w’umukobwa witwa Greta Thunberg ugamije kurwanya ihindagurika ry’ikirere.

Mu minsi ishize, Schwarzenegger yahaye uyu mwana w’imyaka 15, imodoka ikoresha amashanyarazi ngo ajye ayigendamo atangiza ikirere aho ari kuzenguruka amerika.
Avuga ko nawe yiteguye kumufasha kumvikanisha ubutumwa bwe.

Arnold Schwarzenegger w’imyaka 72, ari kumwe na Linda Hamilton w’imyaka 63, aho bari kwamamaza filimi nshya bakinanye yitwa terminator: dark fate. Ubu bagiye muri Koreya y’Epfo muri ibyo bikorwa.

JPEG - 63.3 kb
Arnold Schwarzenegger

Schwarzenegger yabwiye kiriya kiganiro gica kuri bbc one ko yababajwe no kutabasha kwiyamamariza kuyobora Leta Zunze Ubumwe za Amerika.

Ngo yanga Politiki. n’igihe nari guverineri (wa california) ntabwo nigeze numva ndi umunyapolitiki.

Yagize ati "Nari umukozi wa rubanda washyiragaho gahunda zigamije gukorera abantu ibyiza".





Tanga igitekerezo kuri iyi nkuru



Igitekerezo
Norbet Kuya 21-11-2019

Imyaka 72 wamugabo arashaje kbs arikose flme akina buriya aba agamije kwigisha iki mwadufasha mukadusobanurira

Nsabimana Kuya 22-10-2019

Ntimukatubeshye uyu Rambo si commando ubu se mwabuze ifoto ye?