Menya urutonde rw’ibintu 5 biza ku isonga mu guteza impanuka zo mu mihanda ku isi

Impanuka z’ibinyabiziga mu muhanda ni kimwe mu bitwara ubuzima bwa benshi ku isi, inzego z’umutekano wo mu muhanda zihora ku rugamba rwo kugabanya no kurandura burundu, impanuka zibera mu mihanda zikica bamwe, abandi bagasigarana ubumuga, n’ibihombo.

Mu gutegura iyi top 5 , twifashishije Car assurance na World atlas.

Duhereye ku mwanya wa 5 haza ikibazo giturutse ku mihindagurikire y’ikirere nk’imvura,kuriduka kw’imihanda, ibi bikurura impanuka, aho Car assurance ivuga impanuka zikomotse aha zigera ku gipimo cya 11 %

Ku mwanya wa 4, haza ikibazo cyo gutwara ku gitutu, kutubahiriza amategeko yo mu mihanda, ingaruka z’ibiyobyabwenge, ibinyabiziga bishaje n’ibindi, iki kibazo gishobora guteza impanuka ku gipimo cya 16 % kuzamura.

Ku mwanya wa 3 haraza ikibazo cyo gutwara ku muvuduko wo hejuru, ibi bishobora guteza impanuka zigera ku ngano ya 30 % mu mpanuka zose ziba.

Ku mwanya wa 2 Haraza Gutwara abantu basinze, ibi bikurura impanuka zigera ku 32% ku zibera mu mihanda zose.

Tugeze ku mwanya wa mbere ku bintu 5 biza ku isonga mu guteza impanuka zo mu muhanda turahasanga ikibazo cy’ibirangaza ku batwara ibinyabiziga birimo, kuvugira ku materefone batwaye, kwandika ubutumwa, umunaniro mwinshi, kurangarira ibitari ngombwa mu muhanda igihe batwaye n’ibindi , ibi biteza impanuka ziri hagati 25-50 %.

Isi mu gihe cy’umwaka ibura abantu bagera kuri miliyoni 1,240,000 , abandi miliyoni, hagati ya 20 na 50 barakomereka. Nibuze abantu 3,287 bagwa mu mpanuka buri munsi,Muri amerika honyine imodoka 1.6 miliyon zishwanyagurikira mu mpanuka ziturutse ku burangare bw’ababa batwaye.

Ibi bituma inzego z’umutekano wo mu muhanda hirya no hino zifata ingamba zo gukumira impanuka. Rwanda dukangurirwa kubahiriza cyane gahunda ya Gerayo amahoro.





Tanga igitekerezo kuri iyi nkuru



Igitekerezo
benimana nicaise sup boy Kuya 6-06-2020

jew ndashima kunyigisho muduha murakoze