Yatewe icyuma n’umukunzi we basambana ahita yihana ingeso y’ubusambanyi

Ubwo yasambanaga n’uwahoze ari umukunzi we mu mwaka ushize, umusore witwa Kieran Bewick w’imyaka 18 ukomoka mu gihugu cya Scotland yahuriye n’uruva gusenya mu buriri aterwa icyuma n’uyu mukunzi we niko guhita afata icyemezo ko atazongera kwishora mu ngeso mbi z’ubusambanyi nyuma yo kugira amahirwe ntapfe kuko yavuwe agakira neza.

Uyu musore urushwa umwaka umwe n’umukunzi we Zoe Adams basambanaga yatewe icyuma mu mwaka ushize ubwo bari bagitangira gutera akabariro ntaho baragera.

PNG - 717.1 kb
Bewick watewe icyuma n’uwahoze ari umukunzi we Zoe bari gutera akabariro


Uyu musore yatangaje ko ubwo bari batangiye gutera akabariro, uyu mukobwa yafashe umusego wo ku buriri awumushyira ku mutwe arangije aramwongorera ati “nyizera”, niko gufata icyuma yari yahishe munsi y’uburiri atangira kukimutera.

Bewick watewe icyuma inshuro 5, yatangaje ko inshuro nyinshi arota ari guterwa icyuma n’umuntu bari gukora imibonano mpuzabitsina ndetse akanguka kenshi yabize ibyuya ndetse afite ubwoba kubera ibi byago yahuye nabyo, akagira amahirwe agakira.

Uyu mukobwa witwa Adams yakatiwe igifungo cy’imyaka 11 n’igice nyuma yo guhamwa n’iki cyaha cyo gushaka kwica umuntu amuteye icyuma.

Aganira na The Sun, Bewick yavuze ko yarahiye kuzongera kwishora mu busambanyi nk’ubu ndetse avuga ko igihano cyose uyu wahoze ari umukunzi we yahabwa, kitahwana n’ukuntu ubuzima bwe bwangiritse kuko inshuro nyinshi ahora afite ubwoba ndetse akunda kurota yongeye guterwa icyuma.

PNG - 567.3 kb
Uyu ni Zoe wateye icyuma umukunzi we ubwo bari batangiye gutera akabariro
PNG - 1 Mb
Bewick yatewe icyuma mu rubavu nyuma arahirira kutazongera ingeso y’ubusambanyi


Uyu musore yatangaje ko akimara guterwa iki cyuma n’uyu mukobwa, yirukanse yerekeza ku muntu wo mu muryango wabo wamufashije kujya kwa muganga aho yamaze iminsi 10 mu bitaro arwana n’ubuzima cyane ko iki cyuma yatewe cyageze hafi y’ibihaha.

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo