Yannick Mukunzi na Rutanga ba Rayons Sports barekuwe

Abakinnyi babiri ba Rayon Sports, Mukunzi Yannick na Rutanga Eric, bari mu maboko ya Polisi barekuwe nyuma yo gutanga amakuru mu iperereza ry’ibanze kuri dosiye y’umutoza wabo, Karekezi Olivier.

Ku mugoroba wo kuri uyu wa Mbere, Polisi y’Igihugu y’u Rwanda ibinyujije kuri Twitter, yatangaje ko Mukunzi na Rutanga nta byaha bakurikiranyweho.

Yagize iti “Abakinnyi babiri ba Rayon Sports, Rutanga Eric na Mukunzi Yannick nta byaha bakurikiranyweho. Bari bitabye Polisi gufasha Ubugenzacyaha mu iperereza ry’ibanze kuri dosiye ya Karekezi Olivier, nyuma barataha.”

Amakuru yavugaga ko bafashwe nyuma y’iminsi ine umutoza mukuru wa Rayon Sports, Karekezi Olivier na we atawe muri yombi akurikiranyweho ibyaha Polisi yavuze ko byakozwe hifashishijwe ikoranabuhanga.

JPEG - 97.6 kb
Abakinnyi babiri ba Rayon Sports, Mukunzi Yannick (Iburyo) na Rutanga Eric bari batawe muri yombi baje kurekurwa





Tanga igitekerezo kuri iyi nkuru



Igitekerezo