Yakatiwe kwicwa amanitswe kubera  yasanze umukunzi we atwite inda y’amezi 3 akamwica

Idris Mustapha w’imyaka 29 yakatiwe igihano cyo kwicwa amanitswe nyuma yo kwica uwari umukunzi we ngo n’uko asanze atwite inda y’amezi atatu batarashyingiranwa.

Urukiko rwo muri Leta rukuru rwa Jigawa rwemeje ko uyu Mustapha wabanaga n’uyu mukobwa witwa Nafisa Hashimu mu mudugudu wa Daneji maze nyuma bakaza gutandukana.

Nyuma y’iperereza rya polisi , byaje kugaragara ko Mustapha yatemye umuhogo wa nyakwigendera Nafisa maze akamusiga mu kidendezi cy’amaraso.

Abazwa n’urukiko yabanje kubihakana ariko nyuma aza kwemera ko ariwe wakoze iki cyaha maze yemera ko yishe Madamu Nasifu nyuma y’uko yari amaze kumubwirako atwite inda y’amezi atatu.

Ati: “Namwishe kugirango nirinde ikimwaro cyo kubyara mu gasozi , Narimfite isoni z’ukuntu abantu bazabifata nibumva ukuntu twabyaye tutarashyingiranwa bityo mfata icyemeze kibi cyo kumuvukiriza ubuzima”.

Mu cyemezo cy’uhagarariye Urukiko Ahmed Kazaure, nyuma yo gusanga ahamwa n’icyaha , yahise amusabira igihano cyo kwicwa amanitswe.

ABATURAGE N’APOTRE MUTABAZI BABWIJE UKURI ABAYOBOZI BARYA RUSWA BAVUGA KO BAKUNDA IGIHUGU

Source:Umuryango





Tanga igitekerezo kuri iyi nkuru



Igitekerezo