Mu gihe kitageze ku masaha 24 abantu bagera kuri 29 bishwe barashwe n’abantu bitwaje imbunda babasanze aho bari ari benshi mu mijyi ya El Paso muri Texas na Dayton muri Leta ya Ohio.

Umugabo warashe abantu mu mujyi wa Dayton muri Leta ya Ohio muri Amerika yishe mushiki we n’abandi bantu umunani mu kurasa abantu byamaze amasegonga 30 nk’uko polisi ibivuga.

Polisi yahise itabara ako kanya, itangira kurasa kuri Connor Betts w’imyaka 24 wariho arasa mu bantu, ndetse ashaka no kwinjira mu kabari ahari benshi kurushaho.

Richard Biehl, umuyobozi wa polisi ya Dayton avuga ko iyo uyu mugabo ashobora kwinjira muri aka kabari abantu benshi bari kuhashirira.

Mushiki we, Megan Betts w’imyaka 22 ari mu bishwe n’amasasu yarashe.

Connor Betts uregwa kwica abantu i Dayton yahise nawe araswa arapfa

Bwana Biehl avuga ko uyu mushiki we atari we yarashe mbere ariko ari mu bantu ba mbere yishe.

Kugeza ubu bavuga ko nta mpamvu ziramenyekana zamuteye gukora ibi.

Ibitaro biri hano hafi byakiriye abantu 27 bo kuvura, 15 bahise basezererwa kuko batakomeretse bikomeye.

Bamwe mu bo yishe

Uru ni urutonde rw’abantu icyenda uyu mugabo yarashe bagapfa;

Lois Oglesby, umugore w’umwirabura, 27
Megan Betts, mushiki we, 22
Saeed Saleh, umugabo w’umwirabura, 38
Derrick Fudge, umugabo w’umwirabura, 57
Logan Turner, umugabo w’umuzungu, 30
Nicholas Cummer, umugabo w’umuzungu, 25
Thomas McNichols, umugabo w’umwirabura, 25
Beatrice Warren Curtice, umugore w’umwirabura, 36
Monica Brickhouse, umugore w’umwirabura, 39

Uretse aba bishwe n’uyu mugabo, Polisi mu mujyi wa El Paso hafi y’umupaka na Mexico, yemeje ko abantu 20 bapfuye abandi 26 bagakomereka barasiwe mu iguriro rya Walmart.

Greg Abbott, Guverineri wa Leta ya Texas yavuze ko "ubu ari bumwe mu bwicanyi buhitanye benshi mu matekaya Texas".

Umusore w’imyaka 21 yatawe muri yombi akekwaho ubu bwicanyi bwa El Paso.

Ibinyamakuru muri Amerika bivuga ko yitwa Patrick Crusius, usanzwe utuye mu mujyi wa Dallas muri iyi leta.

Polisi ya El Paso ivuga ko saa yine z’igitondo ku wa Gatandatu (saa kumi n’imwe i Kigali) aribwo yatabajwe.

Umusore w’imyaka 21 ni we wafashwe kandi Polisi ivuga ko mu kumufata atarasanye nayo, ni na we gusa ukekwa kugeza ubu.

Hari n’ubundi bwicanyi busa n’ubwa El Paso, aho abantu icyenda bapfuye barashwe abandi 16 barakomereka ubwo umuntu witwaje intwaro yarasaga mu bantu imbere y’akabari mu mujyi wa Dayton muri leta ya Ohio.

Police ivuga ko byabaye ahagana saa saba z’ijoro rishyira ejo ku Cyumweru (saa 6:00 ku isaha y’i Kigali). Uwarasaga nawe yarashwe na Polisi ahita agwa aho.

Abantu benshi ku mbuga nkoranyambaga bagaragaje agahinda batewe n’abaguye muri ubu bwicanyi bwombi, n’uburakari batewe n’ikibazo cy’imbunda muri rubanda rwa Amerika.

Kurasa ku bantu bwa kabiri byabaye i Dayton hatarashira amasaha 24, barasiwe imbere y’akabari

Kianna Long (iburyo) yari muri Walmart yabonye ibyabaye

Connor Betts uregwa kwica abantu i Dayton yahise na we araswa arapfa

Ukekwaho kwica abantu i El Paso bivugwa ko yitwa Patrick Crusius

@Umubavu.com

---

---